Теңсіздіктер жүйелерін шешу. Алгебра, 8 сынып, сабақ жоспары. 6 сабақ.

Ұзақ мерзімді жоспар бөлімі:

Теңсіздіктер

Мектеп:

Күні:

Мұғалімнің аты-жөні:

Сынып: 8

Қатысушылар саны:

Қатыспағандар:

Сабақ тақырыбы

Теңсіздіктер жүйелерін шешу

Cабақтың түрі

Бекіту сабағы

Осы сабақта қол жеткізілетін оқу мақсаттары (оқу бағдарламасына сілтеме)

8.2.2.11 құрамында екі квадрат теңсіздігі бар жүйелер мен жиынтықтарды шешу

Сабақ мақсаттары

Оқушылар:

• Теңсіздіктер жүйесін немесе жиынтығын құрады;
• Квадрат теңсіздіктерді шеше алады;
• Теңсіздіктер жиынтығын шеше алады;
• Теңсіздіктер жүйесін шеше алады.

Бағалау критерийлері

Оқушы

• Теңсіздіктер жүйесін немесе жиынтығын құрады;
• Квадрат теңсіздіктерді шешеді;
• Теңсіздіктер жиынтығын шешеді;
• Теңсіздіктер жүйесін шешеді.

 Тілдік мақсаттар

Оқушылар:

• бір айнымалысы бар квадрат теңсіздіктер жиынтығының шешімін ауызша және жазбаша сипаттайды;
• бір айнымалысы бар квадрат теңсіздіктер жүйесінің шешімін ауызша және жазбаша сипаттайды

Пәнге қатысты лексика және терминология:

• квадрат теңсіздік; теңсіздікті шешу; теңсіздіктер жиынтығы, теңсіздіктер жиынтығын шешу; теңсіздіктер шешімдерінің қиылысуы және бірігуі; теңсіздіктер жүйесі.

Диалогқа/жазылымға қажетті тіркестер:

• теңсіздіктер жиынтығының шешімі ... болады;
• параболаны сұлба түрінде бейнелеп ... аламыз;
• таңбалардың алмасу қасиетін қолданып ... анықтаймыз.

Құндылықтарды дарыту

Құндылықтарды дарыту осы сабақта жоспарланған іс-әрекеттер арқылы жүзеге асады. Оқуға үйрену, жағдаятты талдау, жаңа шарттарға бейімделу, мәселені қою және шешім қабылдау, топта жүмыс істеу, өзінің жұмысының сапасына жауап беру, өз уақытын ұйымдастыру білігі.

Пәнаралық байланыстар

Геометриямен байланыс фигураның ауданын өрнектеп жазу.

Бастапқы білім

Оқушылар сызықтық және квадраттық теңсіздіктерді шеше алады. Бір айнымалысы бар сызықтық теңсіздіктер жүйесін шеше алады. Біреуі сызықтық, ал екіншісі квадраттық теңсіздіктер жүйесін шеше алады. Екі квадраттық теңсіздіктен құралған теңсіздіктер жүйесін/жиынтығын шеше алады.

Сабақ барысы

Сабақтағы жоспарланған

іс-әрекет

• Ұйымдастыру кезеңі. Сабақ мақсатын қою.

Мұғалім оқушылармен сәлімдесіп, олардың сабаққа дайындығын тексереді. Мұғалім сабақтың тақырыбы мен оқу мақсаттарын айтады. Оқушылармен бірге сабақ мақсаттары құрастырылып айтылады. Кейін мұғалім бағалау критерийлерін айтып, оқушылардың «жақын даму аймағын» айқындайды, сабақ аяғына қарай күтілетін нәтижелерді айтады.

• Қайталау.

Мұғалім оқушылармен екі квадрат теңсіздіктен тұратын теңсіздіктер жиынтығын шешу алгоритмін қайталайды. Бұл қайталауды «Ыстық орындық» стратегиясы арқылы жүзеге асырады. Оқушылар бір-біріне таратылған келесі сұрақтарды қояды:

- Қос теңсіздіктер қалай шешіледі?

- График арқылы теңсіздікті қанағаттандыратын сан аралығын қалай анықтауға болады?

3. Қос теңсіздікті құруға есеп шығару.

Мұғалім оқушыларды кіші топтарға біріктіреді, оқушылар топтарда тапсырманы орындауларын талқылайды.

№1-тапсырмада оқушылар берілген фигураның ауданын өрнектеп жазады. Бұл тапсырма геометриямен байланысты және оқушылар үшін жаңа болғандықтан, мұғалім топтарға өз беттерімен уақыт бергеннен кейін, оларға бағыт-бағдар көмек көрсете алады. Қажеттілігінше бүкіл сынып талдауын өткізуге болады.

№1-Тапсырманың дескрипторы. Білім алушы:

• Фигураның ауданын дұрыс өрнектейді;
• Құрамында квадрат теңсізідігі бар қос теңсіздікті дұрыс құрады;
• Теңсіздіктер жүйесін дұрыс жазады;
• Квадрат үшмүшелердің түбірлері дұрыс табылады;
• Квадрат теңсіздіктердің жауаптарын дұрыс жазады;
• Сан аралықтарын дұрыс қиылыстырады;
• Есептің мәнмәтінін ескеріп, жауапты дұрыс жазады.

4. Рационал теңсіздіктер жүйелерін теңсіздіктер жүйелері және жиынтықтары арқылы шешу.

№2-тапсырмада теңсіздікті интервалдар әдісімен шешу барысында, еселі түбірде таңба қайталанатынына оқушылардың назары аударылады. Мұнда оқушылардың естеріңе екімүшенің квадраты теріс мән қабылдамайтыны түсіріледі.

№2 тапсырманың дескрипторы. Білім алушы:

- Екімүшенің квадратының қабылдайтын мәндерін дұрыс анықтайды;

- Рационал теңсіздіктің таңбасына дұрыс талдау жасайды;

- Квадрат теңсіздікті дұрыс шешеді;

- Теңсіздіктер жүйесінің шешімін дұрыс табады;

- Теңсіздікті қанағаттандырмайтын бүтін сандар жиынын дұрыс жазады.

№3 тапсырманың дескрипторы. Білім алушы:

• Сызықтық немесе квадрат теңсіздіктерді дұрыс шешеді;
• Теңсіздіктер жүйесіндегі сан аралықтарын дұрыс қиылыстырады;
• Теңсіздіктер жүйесінің жауаптарын дұрыс біріктіреді.

5. Өздік жұмыс.

Оқушылар өз беттерімен «Теңсіздіктер жүйесі» тақырыбы бойынша тапсырмаларды орындайды. Мұғалім оқушыларға көмек көрсетпейді. Жазба жұмысының орындалуы тексеріліп, оқушылардың өткен оқу мақсаттары бойынша жетістік деңгейлері анықталады. Оқушыларға кері байланыс беріледі.

6. Сабақты қорытындылау. Рефлексия.

Мұғалім сабақ мақсаттарына қайтып оралады, олардың жетістіктерінің деңгейін айтады. Келесі сабақтарды жоспарлау мақсатында оқушыларға сұрақтар қойылады:

 •Бүгін мен білдім …

 •Маған қызықты болды …

 •Маған қиын болды …

 •Мен ... тапсырмаларын орындадым.

Сұрақтар ауызша немесе жазбаша талқылана алады.

Үй тапсырмасы ретінде оқушыларға қосымша деңгейлік тапсырмаларды ұсынуға болады, олар әдістемелік нұсқаулықта берілген.

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз

Денсаулық және қауіпсіздік техникасының сақталуы

Сабақта өзіне сенімсіз оқушылар біршама қабілетті оқушылармен бірге жұпта жұмыс жасайтындай етіп жасалған, сонда олар қабілетті оқушылармен жұмыс жасағанда көбірек біле алады.

Қабілетті оқушылар өздерінің қабілеттерін консультант ретінде айқындай алады.

Жұптағы немесе жеке жұмыстарда Сіз өзіне сенімсіз оқушыларға көмекші сұрақтар қою арқылы көмектесе аласыз.

Формативті бағалау сабақтың әр кезеңінде өткізіледі (өзін-өзі бағалау, мұғалімнің критерий бойынша бағалауы). Оқушылардың тапсырманы орындау барысындағы қатысуы және диалогқа қатысуын бағылау арқылы бағалау.

Жұптағы, топтағы тапсырмаларды орындауға жауапты реакция және прогресс әр оқушының үлесін бағалауға және қателердің бар болуын анықтау үшін қарастырылады.

Барлық тапсырмалар оқушылардың жас ерекшеліктерін ескеріп алынған. Іс-әрекеттердің ауысып отыруы ең үлкен нәтижеге қол жеткізу мақсатында оқушылардың күші мен зейінін дұрыс үлестіруге ықпалын тигізеді.