Адамдық-борышың Шәкәрім Құдайбердіұлы «Адамдық-борышың». 3 сынып

Пән: Әдебиеттік оқу

Тарау: Жақсыдан үйрен, жаманнан жирен

Сабақ тақырыбы: Адамдық-борышың

Шәкәрім Құдайбердіұлы «Адамдық-борышың»

Оқу мақсаты

3.2.1.2 Шығарманы іштей саналы түрде түсініп, көз жүгіртіп/ шолып/ түртіп алып/ қажетті ақпаратты тауып/ белгі қойып/сын тұрғысынан бағалап оқу

3.1.5.1 өз ойы мен сезімін көркем-бейнелі сөздерді қолдана отырып жеткізу

3.2.3.1 шығарманың тақырыбын анықтау және негізгі ойды білдіріп тұрған мәтін бөлігін, сөйлемді анықтау

Сабақ мақсаты

Барлық оқушылар: Өлеңді іштей саналы түрде түсініп оқиды

Көптеген оқушылар: өз ойы мен сезімін көркем бейнелі сөздермен жеткізе алады, шығарманың тақырыбы мен негізгі ойын анықтайды;

Кейбір оқушылар: өз ойын дәлелдер келтіріп айтады, өлеңді сын тұрғысынан бағалап оқиды

Бағалау критерийлері

• Өлеңді түсініп оқиды;
• Өлең бойынша өз ойын айтады;
• Шығарманың тақырыбы мен негізгі ойын анықтайды;
• Өлеңді сын тұрғысынан бағалап оқи алады

Сабақ барысы

Сабақтың басы

Ширату тапсырмасы

«Гүлмен тілек»(сергіту және топқа біріктіру) Оқушылар арнайы дайындалып келген гүлді алақандарына салып тұрып, бір-біріне тілек тілейді.Гүлдің түстеріне қарай топтарға бөлінеді. Сабақтың тақырыбы мен оқу мақсаты таныстырылады. Бағалау критерийін оқушылармен бірлесе құрастыру немесе таныстыру.

Сабақтың ортасы

1- тапсырма (Ж) Шәкәрім Құдайбердіұлының «Адамдық-борышың» өлеңін оқушылар оқи отырып, қажетті ақпаратты белгілеп отыру тапсырылады. Өз бетінше оқуға 4-5 минут уақыт аралығы беріледі. Мәтіннен қажетті ақпаратты алу үшін оқушылар стикермен белгілеп отырып оқиды. Белгілеп алынған қажетті ақпаратқа стикерлер жапсырылады.

Кестені толтыр

Саралау: Ынтымақта бірлікте жұмыс жасап, білгенін жолдастарымен бөлісіп, түйінді ойды, тақырыпты ортаға салып талқылайды. Оқушылардың оқу жылдамдығы әртүрлі болғандықтан кейбір оқушыларға қосымша уақыт беруге болады.

ҚБ Түстер(жасыл,қызыл) арқылы бағалау

Оқушылар бір-бірінің жұмысын бағалау арқылы әр оқушы өз жұмысында нені толықтыру керек, қандай өзгертулер енгізу керектігін анықтайды

2-тапсырма

(ЖЖ) «Көршіңізге айтыңыз» әдісі

Мұғалім жұмыстың орындалуын түсіндіреді. Оқушылар өзінің мәтіннен стикермен белгілеп жинаған мәліметтерін көршісімен бөліседі. Оқушылар көршісімен түсініксіз сөздердің мағынасын талқылайды. Өлеңнің тақырыбы мен негізгі ойы анықталады. Оқушылар дәлелдер келтіріп, бір – бірінің ойын толықтырады.Мұғалім топтағы оқушылардың тегіс жұмыс жасауын бақылайды.

ҚБ «Топ белсенділіктерін бақылау»

Топпен жұмыс және ұжыммен жұмыс кезінде тапсырманы орындау барысында топ мүшелерінің бірлесіп жұмыс жасауы мен белсенділіктерін бақылай отырып тапсырманың орындалуын бағалау.

3-тапсырма «Мозайка» әдісі арқылы суретпен эжұмыс жүргізіледі. Оқушыларға сурет қиындылары таратылады. Топ болып сурет қиындыларынан сурет құрастырып, сол суретке қарап әңгіме құрастырады..Топтар өз суреттерін ортаға шығып қорғайды. Мұғалім топтардың жұмыстары қаншалықты деңгейде орындалып жатқанын қадағалап,түсіндірме береді. Топтағы оқушылардың тегіс жұмыс жасауын бақылайды.

Саралау: Топтар тез және үйлесімді жұмыс жүргізеді. Топта барлығы бірге жұмыс жасайды.

ҚБ «Бағдаршам» әдісі арқылы бағалау.

4- тапсырма Анықтайық «Жалғасын тап»

Сөйлемнің басы жазылған парақшаларды оқушыларға таратады, олар ойды жалғастырып сөйлемді толықтырып айтады. Бұл әдісті сабақты бекітуге қолдануға болады.

Ата-ананы қадірлеу..............

Отанды қорғау..............

Саралау: Тапсырма барлық оқушыларға ұсынылады, бірақ әртүрлі нәтиже күтіледі. Тапсырманы орындау кезінде бірін-бірі тыңдап, толықтырады. Қабілеті төмен оқушыларға қолдау көрсетіледі.

ҚБ «Бір- бірін бағалау»

Топтар бір-бірінің жұмысын бағалау арқылы әр топ өз жұмысында нені жақсарту керектігін анықтайды.

Сабақтың соңы

«Бағдаршам»

Сабақтан алған әсерлерін төмендегі түстер арқылы көрсету:

Жасыл түс – сабақтан жаңа идеялар байқадым.

Сары түс – жаңа сабаққа көңілім толды.

Қызыл түс – бүгінгі сабақ сезіміме ерекше әсер етті