👈 қаріп өлшемі 👉

Жұмағали Саин (Совет халқына)

 Жұмағали Саин (Совет халқына)

Сен сүйесің жаныңмен Отаныңды,
Өзің өскен жеріңді, совет елін,
Сен сүйесің аспанда шық қан күнді,
Сен сүйесің, еліңнің келешегін.
Сен сүйесің көсемді, алтын заңды
Бақытың мен арыңдай адал сақтап.
Сен әкем деп атайсың ұлы адамды,
Ол сөзіңді жаныңмен жүрсің ақтап.
Сен сүйесің коммунист партиясын
Өз анаңдай өзегін жарып шыққан,
Адалдығын, ақылын қайыспайтын
Талай өрт пен дауылдан алып шыққан.
Сен білесің, сан асу, дауылдардан
Коммунизм төріне бастар көсем.
Жеңіс пенен өткізіп майдандардан.
Нысанаға жеткізер аман-есен.
Сен ұмытпа, сол өзің сүйген Отан
Шақырғанын «сайлауға, дауыс бер!» деп.
Сен ұмытпа, өз елің, өз партияң
Шақырғанын құрметпен саған кел деп!
Сен ұмытпа, жүректе жанған нұрдың
Құйыларын бір жерге бүгін елмен.
Сен ұмытпа, жеңісі Октябрьдің
Тағы да бір бекірін бюллетеньмен.

Мақала ұнаса, бөлісіңіз:


Қарап көріңіз 👇



Жаңалықтар:
» Үздік оқытушыға 6 млн теңге беріледі 26.10.2021, 0
» Қазақстанда тоғыз банк таратылады 23.10.2021, 0
» Ұстаздардың жұмысын жеңілдететін жаңа платформа іске қосылды 20.10.2021, 0

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы