» » » Өлең: Мұқағали Мақатаев (Соқ барабан!)

Өлең: Мұқағали Мақатаев (Соқ барабан!)

Өлең: Мұқағали Мақатаев (Соқ барабан!) казакша Өлең: Мұқағали Мақатаев (Соқ барабан!) на казахском языке
Соқ, барабан!
Кернейлет, керней, кернейлет!
Терезе, есік,
барлығына ен,
ешкімге ерік бермей кет,
Құдайларға құлшылықты, бұз,
жаңылдыр адамын,
Үзде жібер
мектептердің өтіп жатқан сабағын,
Үйленетін күйеуге жет,
жет, тездетіп хабарла,
Қалыңдықпен рахат көріп отыратын заман ба?!
Жер өңдеген, жеткіз, білдір фермерге,
Бейбіт еңбек артын қыссын,
аласапыран келгенде.
Құдіретпен, барабандар,
күңіреніңдер,
болыңдар!
Жаңғырыға гүрілдеңдер,
гүрілдеңдер, горндар!
Кернейлет, керней,
соқ, соқ, барабан!
Тыныштықты тартып алғын,
көшелерден, қаладан.
Әнебіреу,
ол кім өзі?
Неге төсек қамдайды?
Босқа әуре,
ешкім де онда,
түнде ұйықтай алмайды,
Қызылқұлақ,
саудагерлер жылмаңдайтын кез бе бұл?
Немене?
Олар естімей ме?
Құлақтарын ез де, жұл!
Шешен әлі сөйлеуде ме?
Әнші тұр ма ән салып?
Сотта адвокат ақылы ісін,
Қорғап тұр ма жан салып?
Соқ, барабан!
Шырқат керней,
Бұз барлығын жар салып!
Кернейлет, керней!
Соқ, барабан, соқ, барабан, көтеріл!
Келісімдер,
насихаттар кетсін әрмен,
жетеді!
Жалбарынған жылаңқы,
нең бар жасық жандарда,
Басын иген жастарға,
нең бар күйрек шалдарда?!
Өшір үнін сәбилердің,
өтінішін Аналардың,
Табыт күткен өліктерді,
сілкі шаңын молалардың!
Қаһарменен күркіреңдер,
күркіреңдер, барабандар!
Ал, кернейлер,
күңіреніңдер,
Жердің жүзін аралаңдар!

Автор: nurgul95 | 98 |


Комментарии для сайта Cackle


Загрузка...

KZ / Өлеңдер жинағы, мұқағали мақатаев Соқ барабан! өлең мукагали макатаев олен, мұқағали мақатаев өлеңдері, мукагали макатаев стихи на казахском, мукагали макатаев стихи на казахском языке, Соқ барабан!, , Өлең: Мұқағали Мақатаев (Соқ барабан!) қазақша өлеңдер жинағы скачать бесплатно олен казакша махаббат туралы стихи на казахском языке стихи на казахском языке стихи с днем рождения на казахском языке