Өлең: 1967 менің жылым!

Өлең: 1967 менің жылым! казакша Өлең: 1967 менің жылым! на казахском языке

Өткен ғасыр кімге қысқа, кімге ұзын
Бұл өмірге келді талай ұл мен қызың
Сол жылдардың ішінде бір жыл ғана
Мың тоғыз жүз алпыс жеті менің жылым!

Ауыстырып жүректерді өсті ғылым
Бар әлемге Шолпан жұлдыз ашты сырын
Сол бір жылы біз туыппыз дегендей-ақ
Мың тоғыз жүз алпыс жеті менің жылым!

Аманбысың қатар өскен жолдастарым?
Өздеріңсіз көңіл -күйім таппас тыным
Сағынышпен бас қосқанда дейік бірге
Мың тоғыз жүз алпыс жеті менің жылым!

Кәсіпкер бар,мұғалім бар, бірі ғалым
Әнші де бар,ақын да бар айтқан жырын
Сұрап көрсең барлығының айтатыны
Мың тоғыз жүз алпыс жеті менің жылым!

Тентектерде жеткілікті шын ғой мұным
Әпер бақан - ұр да жық, түрткен жынын
Бірақ бәрі бауыр ғой, деген кезде-
Мың тоғыз жүз алпыс жеті менің жылым!

Амандықта болу жазсын құрдастарым
Жақсы сөздер әр-қашанда жақсы ырым
Бәрімізге ортақ болған мына сөздер -
Мың тоғыз жүз алпыс жеті менің жылым!

Нурсат Мүбарак ұлы




KZ / Қазақша Өлеңдер жинағы, , , Өлең: 1967 менің жылым! қазақша өлеңдер жинағы скачать бесплатно олен казакша махаббат туралы стихи на казахском языке стихи на казахском языке стихи с днем рождения на казахском языке