👈 қаріп өлшемі 👉

Жұмағали Саин (Тіршілік, сені сүйемін)

 Жұмағали Саин (Тіршілік, сені сүйемін)

Тіршілік, сені сүйемін,
Қойның ыстық, тілің бал,
Жүрегім менің елжірер
Жүзіңде қымбат жылым бар.
Құлыншақтай кісінескен
Сенде жастық шағым бар.
Бұлдырап мені қу деген,
Толқыны меруерт ағын бар.
Тіршілік, сені сүйемін —
Алтынды зерлі таңым бар.
Күлкісі күміс, құшағы от,
Қарақат көзді жарым бар
Аузын ашса бал тамған
Ақ маңдайлы жаным бар.
Бұрқана соққан жүрек бар,
Гүлдей бір атқан шағым бар.
Тіршілік, сені сүйемін —
Алдымда талай жылым бар,
Баладай сүйген есіркеп,
Көгімде күміс күнім бар,
Ішімде жатқан өнер бар.
Аспанға асу - қырым бар.
Қаптаған қалың елімде.
Қарындас, аға, інім бар.
Тіршілік, сенің ғашығың
Дүниеде барлық кәрі, жас,
Сен олармен біргесің,
Сен оларға бауырлас.
Сұлу мүше сымбатты.
Тіршіліксіз тән болмас,
Дүниедегі ең қымбатты
Тіршілік бітсе жан болмас,
Сондықтан сені адамзат
Жарындай мәңгі қиялмас,
Кетем деп сенен ертерек
Төсегін өзі жия алмас,
Қайта сені бөбектей,
Сүйе берер күні - түн,
Жүрегің ыстық,
Тілің бал,
Тіршілік, сен бір сұлусың.
Сүйемін сені, сүйемін,
От жүрек бер, жалын бер!
Мейірім бер, ерлік бер!
Кісілік бер, бәрін бер!

Кейінірек оқу үшін сақтап қойыңыз:


Қарап көріңіз 👇



Жаңалықтар:
» Білім министрлігі «мұғалімдер айлығы қысқарады» деген қауесетті жоққа шығарды 08.12.2021, 0
» Президент Тоқаев 2022 жылға арналған ең төменгі жалақы мен АЕК мөлшерін бекітті. 02.12.2021, 0
» "Өз жүрегіңнен ұялмайсың ба": Қайрат Нұртастың жазбасы елді елең еткізді 16.11.2021, 0

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы