Ақша жинауды үйренудің жеңіл жолдары

Ақша жинауды үйренудің жеңіл жолдары

Заманның талабына сай адамдар еңбекпен тапқан ақшасын жинауды үйренуі керек. Алайда көбіміз ниеттеніп тырысқанмен үнемдей де, жинай да алмаймыз. Қаржы жинауды қалай үйренуге болады?

Мақсат қою

Қаржы жинаудан бұрын алдымен оның не үшін керектігін анықтап алыңыз. «Кім біледі, керек болып қалар» деген ой мақсатқа саналмайды. Себебі күн ара «керек болып қалар» сәті туындап, ақша жұмсалады. Солай емес пе? Сондықтан «көлік, үй алуға, саяхатқа, бизнеске» деген секілді нақты мақсат қойыңыз.

Мерзімін белгілеу

Мақсатыңызды анықтаған соң, нақты мерзімін белгілеңіз. Мүмкіндігіңізді, қаржы сомасы мен болуы мүмкін «форс-мажорларды» есептеңіз.

Соманы есептеу

Мақсатыңыздың құнына қарай ай сайын жинауға қалдырылатын ақшаның сомасын нақты есептеңіз. Өзіңізді алдамаңыз, егер жинай алмайтын сома болса, мерзімді үлкейтіп, аз-аздан жинаңыз. Тәртіпке бағынып, ай сайын белгіленген соманы жәшікке салып отырыңыз.

Шығынды азайту

Болашақта бір нәрсені сатып алғыңыз келсе, шығын мөлшерін қазір азайтуыңыз керек. Бұл ақша жиынын сақтау заңы. Босқа кететін ақшаңызды (қыдыру, қажеті жоқ заттар алу, ойын-сауық, т.б) есептеп, келесі айда сол соманы сақтап қалуға тырысыңыз. Аптасына бір мезгіл мейрамхана тамақтанғыңыз келеді. Алайда ондай жерде жұмсалатын қаржыны үнемдеп, азық-түлік алып, үйде тамақтанған жөн.

Бюджет есебін жоспарлау

Кіріс пен шығыс есебін жүргізіп, бюджетті жоспарлайтын болсаңыз, ақшаны жинау да оңайға тиеді. Нақты есептің арқасында шығын да азаяды.

Осы талаптардың бәрін орындап, ескеретін болсаңыз, белгіленген мерзімде қажетті ақша сомасын жинайсыз. Іске сәт!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады