» » » Өмірбаян: Айнұр Тұрсынбаева (1977 жылы)

Өмірбаян: Айнұр Тұрсынбаева (1977 жылы)

Өмірбаян: Айнұр Тұрсынбаева (1977 жылы) казакша Өмірбаян: Айнұр Тұрсынбаева (1977 жылы) на казахском языке
Айнұр Тұрсынбаеваның балалық шағы

Айнұр Тұрсынбаева 1977 жылы бұрынғы Семей облысы, Ақсуат ауданы, Көкжыра ауылында (қазіргі Шығыс Қазақстан облысы Тарбағатай ауданына қарасты ауылдардың бірі) дүниеге келген. 1994 жылы қазіргі Жамбыл облысы Мойынқұм ауданындағы 10 жылдық мектепті бітірген. Ақын қазақстандық БАҚ-қа берген сұқбатында балалық шағында қиындық көргенін айтады.
"Мектепте оқып жүрген кезімде жағдайы төмен отбасыларға берілетін киіммен өстім. Ол кездері мемлекет киім беретін. Сабақта отырасың, сосын "қандай киімге мұқтажсың?" деген сауалға жазбаша жауап бересің. Мысалы, менің қыстық пальтом немесе қысқа киетін етігім жоқ деген сияқты. Кейін оны алып келеді де, бүкіл кластың көзінше беретін. Үстелдің үстіне әкеліп қояды. Сол кезде жағдайы жоқ отбасыларға мемлекет көрсететін жақсылығы ғой. Мемлекет жыл сайын киім беріп тұратын. Сондай киіммен өстік. Бұл менде "түк жоқ болды" деген сөз ғой", - дейді ол Ләйлә Сұлтанқызына берген сұқбатында.
Сонымен қатар Айнұр Тұрсынбаева сұқбаттарының бірінде студент жылдары біраз қиындықпен бетпе-келгенін де атап өтті.
"Студент болдық, жатақханада тұрдық. Қарнымыз ашқан көздер өте көп болды. Троллейбусқа ақша таппаған кездер болды. Енді бұл барлық студенттің басында болған жағдай ғой. Ақшадан қатты қысылып жүресің. Бірақ ертеңінде "Айнұр осындай жерге барып, арнау айтып кет. Осындай жерде айтысасың" деп адамдар телефон соғады. Сосын баратынмын. Қант та, нан да жоқ, "ертең не жеймін" деген уайыммен ұйықтаған кездер болды", - дейді Айнұр Тұрсынбаева өмірдегі қиын жағдайларды есіне алып.

Айнұр Тұрсынбаеваның отбасы
Тұрмыс құрған. Бір ұл, бір қызы бар.
Ашық дереккөздегі мәліметке сәйкес, күйеуі – Жамбыл өңірінде басшылық қызмет атқарған, 2002-2008 жылдары сенат депутаты болған, ҚР таэквондо федерациясының құрметті президенті Шамсат Исабеков.
"Жолдасым отбасымыздың көпшілік талқысына түскеніне өте қарсы. Мен жар таңдауда жолым болған адаммын. Өнерде де, өмірде де тиянақты, материалдық қолдау көрсетеді, менің ғана емес отбасымыздың тірегіне Алла қуат берсе екен деп амандығын тілеп отырамын. Алла барша қыз-келіншектерге әйел бақытын нәсіп етсін", - деді айтыскер kazaitys.kz порталының оқырмандарына.

Тұрсынбаева айтысқа қалай келді
Айнұр Тұрсынбаева айтыс өнерінде алғаш рет 1991 жылы Қайрат Рысқұлбековке арналған облысаралық ақындар сайысында көзге түсті. Кейін Төле бидің 330 жылдық мерейтойында екінші орынды жеңіп алды. 1994 жылы Семейде өткен қазақтың ұлы ақыны Абайға арналған мектеп оқушыларының айтысында бас жүлдені иеленді. Ал Абайдың 150 жылдық мерейтойында өткен республикалық ақындар айтысында жүлдегерлердің қатарынан көрінді. Сондай-ақ, ол Жамбылдың туғанына 150 жыл толуына арналған ақындардың республикалық айтысында 2-орынды иеленді.
Айнұр Тұрсынбаева ойын асықпай, жұмсақ қоңыр үнімен тыңдаушының көкірегіне сәуле құярлық етіп, толғантып-тебірентіп жеткізуімен ерекшеленеді.

Өмірбаян: Айнұр Тұрсынбаева (1977 жылы)

Айнұр айтыста қанша көлік ұтты
Сонымен қатар ол қазақстандық журналистерге берген сұқбатында айтыста қанша көлік ұтып алғанын да айтып берді.
"Айтыстан 34 машина көлік ұттым. Оны қарсыласыма сыйлаған кездер болды. Көлікті сатқан кездер өте көп болды. Әңгіменің ашығына келгенде, ақша жинауға салақпын. Қолыма бүгін ақша түссе шаша саламын. Бірақ талай ақшадан қысылған кездер болды", - деді Тұрсынбаева The Эфир бағдарламасына берген сұқбатында.

Тұрақты жұмыс істеп көрген жоқпын
Айтыскер әлі күнге дейін тұрақты жұмыс істеп көрмегенін айтады.
"Жасым 40-қа келіп қалды, мен әлі көп жерде тұрақты жұмыс жасаған жоқпын. Айтысты менің кәсібім екен деп ойлайтындар бар. Алайда айтыс менің өмірім, айтыссыз өмір сүре алмаймын. Айтыскер ақындардың барлығын өз отбасым сияқты қабылдаймын. Басты күнкөрісім – айтыс. Домбыраммен күн көремін деп айту керек шығар", - деді ол сұқбаттарының бірінде.


"Арам ойым болған жоқ"
Айнұр Тұрсынбаева психологияны зерттеп, өзінің жанын түсінгенін айтады.
"Депрессияға түсіп, ішкі көңіл-күйің құлазып, жаның пана таппай кеткен кезде адам бірдеңені іздейді ғой. "Неге маған осылай болды? Неге, неге" деген сұрақтарға жауап іздей жүріп, мен психологияға кіріп кеттім. Бұл жерден менің ең бірінші ұтқаным - мен барлық жағдайға өзімнің кінәлі екенімді түсіндім. Осыдан соң, өмірім өзгеріп сала берді. Жақсы көңіл-күймен жүріп, жақсы адамдарға тап бола бастадым. Бұл – қоспасы жоқ әңгіме", - дейді ол.
Айтыскер ақын мінезінің кемшін тұстарына қатысты сауалға да жауап берді.
"Бұрын маған кемшілігімді көп адам айтатын. Мен бұрқ ете қалам да, әңгіменің байыбына бармай, басқа нәрсені айтып жіберемін. Ол адам ренжіп қалатын. Өмірімде сондай жағдай өте көп болды. Бірақ арам ойым болған жоқ. Айта саласың, ал ол адам ренжіп қалатын. Артынан кешірім сұрайсың. Алайда менің айтқан сөздерім, оның көңілінде қалып қоятын. Психологиядан соң, осыған қатты мән бере бастадым", - дейді Айнұр Тұрсынбаева.



Айнұр Тұрсынбаеваның жаңа табыс көзі
Соңғы жылдары айтыскер ақын жаңа табыс көзін тапқанға ұқсайды. Ол адамдар үшін әлеуметтік желіде психологиялық тренинг өткізетін болды.
"Мен онлайн тренинг жүргізген кезде 2-4 мың адамға дейін көрген кездер болды. Бірақ мен Айнұр болмасам, халықтың сүйікті қызы болмасам, маған ешкім келмес еді. Сондықтан несібем маған айтыс арқылы келді. Ал халықтың маған деген махаббаты "ақша, байлық, бақыт" түрінде келіп жатыр", - дейді Тұрсынбаева Túngi studio бағдарламасына берген сұқбатында.

Айнұр Тұрсынбаева табысы, 34 көлігі және психология жайлы.
Ләйлә Сұлтанқызымен "The Эфир"



Полную версию материала можете скачать на сайте zharar.com через 10 секунд !!!

nurgul95 | 13 971 |


Комментарии для сайта Cackle

Рекомендуем:
Оригиналсың әні Мәдина Сәдуақасоваға арналған: Әбдіжаппар Әлқожа шындығын айтты
Оригиналсың әні Мәдина Сәдуақасоваға арналған: Әбдіжаппар Әлқожа шындығын айтты
"Көзді ашыңыздар": Жұлдыз Өмірғали өзін тоқал деп сөккендерге жауап берді
"Көзді ашыңыздар": Жұлдыз Өмірғали өзін тоқал деп сөккендерге жауап берді
Айнұр Тұрсынбаева: Ең алғаш айтысқа шыққанымда Ленинге өлең арнап масқара болғанмын
Айнұр Тұрсынбаева: Ең алғаш айтысқа шыққанымда Ленинге өлең арнап масқара болғанмын
"Ауым жыртылып, аппақ іш киімім көрініп қалды": Нұржан Төлендиев сахнада болған келеңсіз жайттарды айтты
"Ауым жыртылып, аппақ іш киімім көрініп қалды": Нұржан Төлендиев сахнада болған келеңсіз жайттарды айтты
Өмірбаян: Азамат Сатыбалды (1977 жылы 2 қараша)
Өмірбаян: Азамат Сатыбалды (1977 жылы 2 қараша)
Өмірбаян: Есенқұл Жақыпбеков (1954 жылы 10 ақпан)
Өмірбаян: Есенқұл Жақыпбеков (1954 жылы 10 ақпан)
Өмірбаян: Мұқасан Шахзадаев Досмұратұлы (1972 жылы 1 қаңтар)
Өмірбаян: Мұқасан Шахзадаев Досмұратұлы (1972 жылы 1 қаңтар)
Өмірбаян: Саят Медеуов Қабылұлы (1973 жылы 7 қараша)
Өмірбаян: Саят Медеуов Қабылұлы (1973 жылы 7 қараша)
Өмірбаян: Майра Ілиясова (1956 жылы 3 мамыр)
Өмірбаян: Майра Ілиясова (1956 жылы 3 мамыр)
Өмірбаян: Досымжан Таңатаров Қарпықұлы (1975 жылы 6 мамыр)
Өмірбаян: Досымжан Таңатаров Қарпықұлы (1975 жылы 6 мамыр)
Өмірбаян: Мейрамбек Әбіләшімұлы Бесбаев (8 қараша 1976 жыл)
Өмірбаян: Мейрамбек Әбіләшімұлы Бесбаев (8 қараша 1976 жыл)
Өмірбаян: Несіпбек Айтұлы (1950 жылы 22 қыркүйек)
Өмірбаян: Несіпбек Айтұлы (1950 жылы 22 қыркүйек)
Реферат: Қазақ әдебиеті | Төкен Әбдірахманов
Реферат: Қазақ әдебиеті | Төкен Әбдірахманов
Реферат: Қазақ әдебиеті | Бекбосынов Серікқазы
Реферат: Қазақ әдебиеті | Бекбосынов Серікқазы
Бір-бірінің көйлегін алмастырып киетін жұлдыздар кімдер?
Бір-бірінің көйлегін алмастырып киетін жұлдыздар кімдер?
Қазақша реферат: Қалқаман Сарин Айымғазыұлы (1978)
Қазақша реферат: Қалқаман Сарин Айымғазыұлы (1978)
Қазақша өмірбаян: Қалқаман Сарин Айымғазыұлы (1978)
Қазақша өмірбаян: Қалқаман Сарин Айымғазыұлы (1978)
Қазақша өмірбаян: Жақыпбаев Жұматай (1945 - 1990)
Қазақша өмірбаян: Жақыпбаев Жұматай (1945 - 1990)

KZ / Өмірбаяндар жинағы, өмірбаян Айнұр Тұрсынбаева туралы омирбаян биография ақпарат мәлімет, тұлға Айнұр Тұрсынбаева өмірі мен шығармашылығы, Айнур Турсынбаева биография омирбаяны акпарат малимет, Айнур Турсынбаева биография на казахском языке, Айнұр Тұрсынбаева, өмірбаян Айнұр Тұрсынбаева туралы омирбаян биография ақпарат мәлімет тұлға Айнұр Тұрсынбаева өмірі мен шығармашылығы Айнур Турсынбаева биография омирбаяны акпарат малимет Айнур Турсынбаева биография на казахском языке Айнұр Тұрсынбаева, Өмірбаян: Айнұр Тұрсынбаева (1977 жылы) өмірбаян жазу өмірбаян қазақша аристотель өмірбаян қазақша омирбаян казакша биография на казахском языке