Өлеңдер ✍️

Самұрық ұя салған Бәйтерек пе?
Алатау, мұз айдынды Ай керек пе?
Тіршілік кемесі ме Қазығұрттың?
Табарсың біздің елден қай керекті!
Қайырмасы:
Қазақтың көшінде,
Елінің есінде,
Нұр болып қалған ЕЛБАСЫ!
Лүпілдеп жүрегі,
Арман-ой, тілегі,
Бір болып қалған ЕЛБАСЫ!
Отаны екінші ұстаз –Фарабидің,
Отаны Құрманғазы –дара күйдің,
Абайы, Жамбылы мен Күләші бар,
Туған ел, өз анам деп сені сүйдім.
Қайырмасы
Әлемде алмас оймен жарқылдаған,
Әр елге қазақ атын алтындаған,
Дамуда дара жүйрік Ұлы далам,
Заманның заңғарында қарқындаған!
Қайырмасы