Өлеңдер ✍️

Екі қол мен екі аяқ
Бір бірінсіз жүрмейді,
Қимылдаса бір қолың,
Екіншісі сермейді.
Ашылмаса екі ерін,
Тіл ауызды кернейді.
Өкпе жұтса ауаны,
Қарын суға шөлдейді.
Бастың айтқан сөзіне
Жүрек кейде көнбейді,
Жүректегі сезімге
Ақыл кейде ермейді.
Бәрін айт та, бірін айт,
Қатар қоңсы қонса да,
Көз қабақты көрмейді,
Баста бірге тұрса да,
Құлақ көзді білмейді.
Көз көрмесе естіген
Сөздеріне сенбейді.
Он екі мүшең сау болмай,
Іштерінен жау шықса,
Алла ғана емдейді.
Осы мысал неліктен
Саналарға кірмейді.