Өлеңдер ✍️
  22.06.2022
  144

Автор: Сағи Жиенбаев

КҮЗГІ БАҚТА

Дірілдеп жалғыз жапырақ
Денесін суық қарыған.
Ақырғы сәтте жатып ап,
Айырылар емес талынан.
Қуалап дауыл сұр бұлтты,
Қоршады келіп көк төсін.
Қайырымсыз қолы тірліктің
Қояр ма күні жеткесін.
Қайта бір соғып қырындап,
Қалдырмай оның көркін де,
Әндетіп жүріп ыңылдап,
Әкетті жұлып сол түнде.
Қатал бір қара түкті қол
Жұлып ап оны оңай-ақ:
«Өзің де, жігіт, мықты бол,
Қайтесің,–деді-ау,–оны аяп..»


  күз бақ Сағи Жиенбаев Сағи Жиенбаев өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  ІЗДЕДІМ СЕНІ ᐈ
  ТҰЛЫП ᐈ
  ҚҰС АТУ ᐈ
  АҚЫН ЕСКЕРТКІШІ ᐈ
  О, туған жер, барымның ᐈ

Пікір жазу