Өлеңдер ✍️

Ұшқыр арман аспандағы бұлттан да əрі шарықтап,
Қанат қағып зеңгір көкте, бара жатыр қалықтап.
«Мен кеткен соң жайы олардың қандай болды екен?» – деп,
Биіктіктен жер бетіне көз саласың анықтап.
Көп нəрсені көре алмайсың тұңғиықтан, тереңнен,
Өзің сондай ірілікті сезінесің денеңнен.
Сол арада ойша оларды салыстырып қарасаң,
Барлығы да құп-құйттай боп көрінеді төменнен.
Ескертемін, досым, саған, қалма, бірақ, алданып,
Уақытша асып-тасқан көңіліңнің толғаны.
Жоғарыдан қарағанда жерде жүрген жандардың
Кішірейіп көрінерін ойлап қойсаң болғаны.