👈 қаріп өлшемі 👉

  Өлеңдер ✍️

  30.05.2022
  36


Автор: Абдулмахмуд Пошатаев

Махаббатты аңсау

Бәрі тастап кетердей мені алысқа,
Мен ұнатқан жүректер қош айтысып.
Жүрміз ғой мен де алыста, сен де алыста,
Егіліп керегі не, босай түсіп.
Аққу көрсем айдында жүрген қалқып,
Ол аққудың сыңары табылады.
Жүзе алмаған сұңқарды суда малытып,
Кербез аққу шынында не қылады.
Суңқарды қайтсын аққу көкке өрлеген,
Тәкаппар сыңары бар бірге бірге жүзген.
Бұл сұңқар, махаббатты жек көрмеген,
Таңдайды мыңнан бірін, бірін жүзден.
Тапқанда іздеп жүріп жан сұлуын,
Қуанғандай, арманың орындалып.
Сезбейді арман ару ән жылуын,
Қалса да жүрегіңнен орын алып.
Ұмыта алмай, қиналып, жаның жылап,
Сенделесің, өкініп, сенделесің.
Қайғы үстіне тұратын, қайғы құрап,
Қасіретті бір жола жеңбегесін.
Жүрегінде бәрінің ұмыт болып,
Жүрегенім бе жалған-ай егіліп бір.
Махабатсыз жүрекке суық толып,
Жанардан тамшы болып төгіліп тұр.
Түсінбейді мені ешкім, түсінбейді,
Жүректі таптап етіп жүр ғой бәрі.
Сені ұнатқан жүрегім үшін мейлі,
Сезіледі, сел болған өмір нәрі.
Бәрі тастап кетердей мәңгілікке,
Кетпейді- ау махабаттан көңіл суып.
Сенемін бұл жалғанда, мәңгі үмітке,
Бір күндер қалар мүмкін бақыт туып.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы