Өлеңдер ✍️

Өзіңмен кездескенде
жүрегім əн салады.
Дəл сендей жерде еш пенде
жоқ дейді таң самалы.
Қайырмасы:
Жанарым-жанарыңа
жіпсіз-ақ байланады.
Жүрегім-жүрегіңде,
сезбеймін айналаны...
Көзіме жан көрінбей,
Абай мен Əйгерімдей...
Өзіңе бағындырдың,
жаным құрбым!
Арылып қанша мұңнан,
көңілім əн-армандай.
Бір жылу саусағыңнан
бойыма таралғандай.
Қайырмасы.
Осы кеш, осы демің
жалғасын бал ғұмырды.
Өзіңе тосып ерін,
тапсырам тағдырымды