Әңгімелер ✍️

Риуаят бойынша Харун Рашид Әбу Муғауия деген соқыр ғалымды қонаққа шақырып, оның қолына өзі су құяды. Қолын жуып болған соң оған:

– Уа, Әбу Муғауия, қолыңа кім су құйғанын білесің бе? – дейді.

– Жоқ.

– Қолға суды мүміндердің әміршісі құйды, – деген кезде, Әбу Муғауия:

– Уа, мүміндердің әміршісі, сен білімді құрметтеп, оны ұлықтадың. Білімді құрметтеп, ұлықтағаныңдай Алла Тағала да сені құрметке бөлеп, ұлық етсін, – деп батасын береді.

Дайындаған – Тұрар ТҮГЕЛҰЛЫ