👈 қаріп өлшемі 👉

  Өлеңдер ✍️

  06.11.2021
  35


Автор: Кеңшілік Мырзабеков

Жүйрік тірлік

Өтеді өмір.
Барлығын да көрерсің,
Өкінерсің, бекінерсің, көнерсің.
Жығыларсың, жүгінерсің, жеңерсің,
Жарысарсың: озып, қалып келерсің.
Өтеді өмір.
Барлығын да көрерсің,
Балдай ләззат, удай азап шегерсің.
Талай гүлдеп. Талай жүдеп семерсің,
Бірден емес, бірте-бірте өлерсің.
Өтеді өмір.
Барлығын да көрерсің,
Көре-көре дүниеге сенерсің.
Көзің жетер: өзіңе-өзің дұшпансың,
Өзіңе-өзің демеушің мен жебеушің.
Көзің жетер, көзің жетер бір күні
Өзіңе-өзі жеткізбейді тірлігің.
Жүйрік тірлік, жеткізбесең жеткізбе,
Ұрпағыма іліксін тек шылбырың!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы