Өлеңдер ✍️
  26.07.2021
  146

Автор: Сырбай Мәуленов

Туған жер

Торғай бойы, Тосын жері
Бұйра құмның бөктері.
Жаз самалы жан тербетті
Қандай әсем көктемі.
Биік шыңның бауырында
Бұйра толқын бал бұлақ.
Бүгін мені қарсы алғандай
Ағып жатыр сылдырап.
Құрбылармен әзілдесіп,
Ойнап-күліп күн ұзын.
Көк шалғында көтеремін
Сырлы аяқтың қымызын.
О, достарым, туған жердің
Жүзі ыстық керемет.
Тұр ма әлде тас төбемнен
Ғажайып нұр себелеп.
1945


  туған жер жер сырбай мәуленов Сырбай Мәуленов өлеңдері Сырбай Мәуленов шығармашылығы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Жауынгер досқа ᐈ
  Тұтқынның сөзі ᐈ
  Ай өзені ᐈ
  Оралғанда ᐈ
  Біз ол кезде жас едік ᐈ

Пікір жазу