Өлеңдер ✍️

Өмір қызық тәтті екен,
Онда қызық мол екен.
«Онда қызық жоқ екен,
Өмір деген сор екен», —
Дегендер не айтты екен.
Өмір қызық екенін
Көрдім ғой мен көзіммен,
Көрдік бірге өзіңмен,
Өмірден құр безінген —
Үмітсіздік екенін.
Білдім кеше, бүгін де
Сөйлесіп күн батырған,
Сүйісіп таң атырған,
Аузыңнан бал татырған
Өмір — сенің үйің бе?
Өмірдің, сәулем, тәттісі-ай,
Өмір сұлу өзіңдей,
Өмір оны көзіндей,
Мінезіндей, сөзіндей...
...Өмірдің, сәулем, тәттісі-ай.