Өлеңдер ✍️

-Күткүн, - деп айта көргүн перизатым,
Мен сени күткөн үчүн бактылуумун.
Кабарын сенден улайм унутулган,-
Качанкы караан үзгөн жаштыгымын.
Мезгилдин кайталанаар бир учурун,
Атайлап өзүң мага табыштагын.
Мезгилдин сени коштоп келээр маалын
Күтүнүп жан дүйнөмү багыштайын.
Сен мага аян кылчы кереметтүү?
Жакшы түш - жан кумарым сыяктанган...
Мен издеп кетким келет кайрып сапар
Өмүрдүн өткөн жазын ыраак калган!