Өлеңдер ✍️

Ешқашан сөгілмесін іргеміз деп,
Ел үшін атқа қонды қазанаттар.
Әрқашан "күн сөнгенше біргеміз!" деп
Ту алды Балуандық азаматтар.

Балуан - Қазақстанның көкжиегі,
Арайы шұғыладан төгілетін.
Танытып, ұл-қыздары сөз киесін,
Текті боп шежіресі өрілетін.

Балуан - журналистер ауылы ғой,
Халқына арнап жүрген мақаласын.
"Елдің әр перзенті өз бауырым ғой,"
-Деп, қазақ туыс көріп бағаласын.

Балуан барда, туың құламайды,
Бермейді оңайлықпен намысыңды.
Мерген боп көздеп атқан құралайды,
Өлімге қимас ешбір арысыңды.

Балуан - теріскейдің төсі болған,
Белінде кіндік әкем ойнап күлген.
Солтүстік Қазақстанның көркі болған,
Әр қазақ "Ырысым!" деп ойлап жүрген.