Негізгі тригонометриялық тепе-теңдіктер. Геометрия, 8 сынып, сабақ жоспары, 2 сабақ.

Ұзақ мерзімді жоспар бөлімі:

Тікбұрышты үшбұрыштың қабырғалары мен бұрыштары арасындағы қатыстар

Мектеп: НЗМ Семей қаласы

Күні:

Мұғалімнің аты-жөні: Чултуков Нартай Советханович

Қатысқандар саны:

Негізгі тригонометриялық тепе-теңдіктер

8.1.3.21 Пифагор теоремасын пайдаланып, формуласын қорытып шығару және есептер шешуде қолдану;

8.1.3.22 негізгі тригонометриялық тепе-теңдіктерді қорытып шығару және қолдану;

Оқушылар:

• sin² + cos² = 1формуласын біледі, қорытып шығара алады;
• негізгі теңбе-теңдікті қолданып есептер шығару;
• негізгі теңбе-теңдікті басқа да дәлелдеулер үшін қолдану.

Оқушылар:

біледі:

• негізгі тригонометриялық теңбе-теңдіктің формуласын

sin² + cos² = 1;

• нгеізгі тригонометриялық теңбе-теңдікті қорытып шығаруды;

қолдана алады:

• негізгі тригонометриялық теңбе-тедікті дәлелдеуде;
• нгеізгі тригонометриялық теңбе-теңдікті есеп шығаруда;

Оқушылар:

• топта жұмыс істеу кезінде теориялық материалды ғылыми тілде негіздей алатын болады;
• өзінің әрекетін сипаттап, қорытынды жасайтын болады;
• ауызша өз жауабын ғылыми тілде еркін жеткізетін болады;

Пәндік лексика және терминология:

• тік бұрышты үшбұрыш;
• іргелес катет, қарсы катет, гипотенуза;
• сүйір бұрыштың синусы, косинусы, тангенсі, котангенсі, секансы, косекансы;

Жұппен және топпен жұмыс жасау арқылы оқушылар өзін және өзгені құрметтеуді үйренеді. Оқушыларды ашықтыққа үйрету - оқушылардың өз деңгейлерін нақты бағалауды және оқу мақсаттарын қаншалықты игергендігін дәл айқындауды дағдыларын ұштайды.

Практикалық тапсырмаларды орындау арқылы шынайы өмірмен байланыстыру.

Пифагор теоремасы, тік бұрышты үшбұрыш, ондағы қарапайым тригонометриялық қатынастар

Сабақтағы жоспарланған іс-әрекет

Ұйымдастыру кезеңі.

Тірек білімдерді белсендендіру

Үй тапсырмасын тексеру.

Ауызша сұрақтар қойып тексеру:

• Пифагор теоремасы.
• Тікбұрышты үшбұрышты шешуге арналған формулалар.
• Негізгі тригонометриялық тееңбе-теңдіктің формуласы және оны қорытып шығару.

Тікбұрышты үшбұрыштағы метрикалық қатынастарды есеп шығаруда қолдануларын тексеру үшін әр оқушыға жекелеме жұмыс ретінде «Математикалық диктант» жаздырту (Қосымша 1).

Сөйтіп, оқушылармен бірлесе отырып сабақ мақсатына сәйкес бағалау критерийлері және дамудың жақын аймағын айқындау.

Ұжымдық жұмыс. «Белсенді сынып» әдісін қолдану.

I) Оқушылармен бірлесе отырып cos²α = 1 – sin²α; sin²α = 1 – cos²α формулаларын қорытып шығару.

II) cos²α = 1 – sin²α; sin²α = 1 – cos²α формулаларына тапсырмалар құрастыру, әртүрлі алгеебралық амалдар арқылы тақырыптық еесептер шығару (Қосымша 2).

Мұғалім жұмыстың орындалуын қадағалап, қиындықтар болған жағдайды көмектеседі. Сондай-ақ, мұғалім сабақ үстінде оқушылардың ойлануына және жұмысты саналы түрде орындауына жағдай жасайды.

Тақтаға шыққан оқушыны әр жетістігі үшін қошемет, қолпаштау арқылы сенімділігін арттыру.

Топтық жұмыс.

Сыныптағы оқушыларды 2 топқа бөліп, келесі сатыдағы «Негізгі тригонометриялық теңбе-теңдіктерді» № 10 слайдты басшылыққа ала отырып дәлелдету.

Әр топтың бір мүшесі дәлелдеуін тақтада оқушыларға көрсетеді. Мұғалім топтардың дәлелдемелерін тыңдайды, қажет жерлерін түзетеді.

Топ мүшелері жұмысты қорғаған оқушыны қолдай отырып, бағалайды.

Рефлексия.

Мен не білемін ... Мен бүгін үйрендім …

Мен не істей аламын ... Мен үйреніп алдым …

Мен енді ... қабілеттімін. Мен түсіндім …

Үй тапсырмасы. № , Геометрия, бет

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Сабақта оқытудың саралау әдісі әрдеңгейлі тпотарға бөлу арқылы көрініс табады. Оқушылар жұппен жұмыс жасау кезінде тапсырмаларды күрделілік деңгейіне байлынысты өздері таңдайды.

Сабақ барысында сызу құралдарын қолдануда қауіпсіздік ережелерін қадағалау. Оқушылардың тік отыруын қадағалау.