👈 қаріп өлшемі 👉

Менің Отаным - Қазақстан

Менің Отаным - Қазақстан

Жанақбай Жанайым
9 сынып, № 145 ЖББМ
Жетекшісі: Тлеболдинова Н. Ы.


 Отан... Бұл- әр адамның жүрегіне жылы тиер сөз!

Отан - менің қасиетті де, киелі орным. Бұл туып өсіп,кіндік кескен жерім. Нақты осы жер мені халқымның өткенімен және болашағымен байланыстырады. "Отан- оттан да ыстық" - дей келе, менің Отаныма деген сүйіспеншілігім шексіз. Себебі, қазақ елі бейбітшілік пен достыққа, татулыққа толы ел. Қазақ халқының жомарттығы, барлығына құшағын кең жайып, пейілін кеңге салатын мінезі әр елді таңқалдыруды қоймайды. Менің ойымша Отан - құндылықты материалдарды тасушы емес, рухани жан сезімі!

Менің Отаным- тәуелсіз Қазақстан. Қазіргі уақытта Қазақстан бейбіт өмір кешуде. Дамушы елу елдің қатарында. Қазақстан экономикасы әр алуан және жетістіктері мол. Қазақстан табиғи қазбаларымен және адам ресурстарымен дүние жүзіндегі бай елдердің бірі болып есептеледі. Бірақ, осындай жетістіктерге қол жеткізуде қандай тер төгілгенін әрбір қазақстандық айқын біледі.

Сонау ата- бабаларымыз осы еркіндікті қалай аңсады десеңізші?! Біздің ержүрек батырларымыз еркіндік, бейбітшілік үшін аянбай күресіп, өшпес ерлік көрсетті. Бауыржан Момышұлы " жаныңнан күдер үзе соғыспасаң, жауды күйрете алмайсың"- деген. Талай ақын- жазушылар бұл ерлікті мақтанышпен жазып кетті.

Менің ойымша Отанға деген сүйіспеншілікті сөзбен жеткізу мүмкін емес.

1991 жылы 16 желтоқсанда әрбір қазақстандықтың арманы орындалып, Қазақстан тәуелсіз ел болып жарияланды. Еліміз тәуелсіз ел, дербес мемлекет болып, XXI ғасыр табалдырығын сенімді аттадық. Президентіміз Н.Ә.Назарбаев аз ғана уақыт ішінде қазақ елін гүлдендіре, көрікті етті. Ендігі жолда қазақ елінің одан әрі дамуы, болашағы мына біздің қолымызда. Яғни, жас ұрпақтың қолында.

Әр азамат өзінің жерінде, елінде қадірлі . Сондықтан, «Елінен безген ер оңбайды, көлінен безген қаз оңбайды», дейді халық. Бұл даналық сөзден әр азаматтың өз елін қадірлей білу қажеттілігін көреміз.Туған жердің қадірін білмеген, оны құрметтемеген адамды ел азаматы деп айтуға болмайды. Батыр бабаларымыз туған жердің бір уыс топырағын жау қолына бермес үшін қасық қаны қалғанша күресті. Адамның тәні мен жанының тілегі, мақсаты бір болып, бір игілікке жұмылғанда ғана оның әрекеті өнегелі болады, олай болмағанда, рухани әлем мен әрекет арасында қайшылық туып, адам баласы қаскүнемдік іс істеп, сый-құрметтен айырылады. Еліміздің әрбір азаматы «Отан» деген ұғымның оттан да ыстық қасиетіне бас иіп, оған адал қызмет етуге борышты. Осы жолда қайтпас қайсарлық пен айнымас шыдамдылық таныта білетін, ары мен намысын жоғары қоятын ұрпақ тәрбиелеу абыройлы іс болмақ. Жарқын болашақ, отансүйгіштік, ұлтжандылық секілді асыл сезімнің өміршең екенін көрсетті .Ел қорғау – абыройлы іс. Азаттықты аңсаған ата-бабаларымыз талай шайқас, қан майданның тезінен өтіп, ұрпағына ұлан байтақ жерді аманат етті. Жас ұрпаққа ғасырлар бойы ата-бабаларымыз қорғаған Атамекенді көздің қарашығындай сақтау өсиет етілген. Мен Отаныммен мақтанамын!



Қасым Аружан
1 сынып, «Жарық» ОМ
Шет ауданы


  Қазақстан – кең байтақ Отаным.
«Отан, Отан,
Бәрінен биік екен,
Мен оны мәңгілікке сүйіп өтем,-деп Мұқағали Мақатаев атамыз жырлап өткендей, мен қазақ елінде туғаныма мақтанамын.
Менің елім көркем табиғатымен, кең даласымен, пайдалы қазбасымен, салт-дәстүрімен, әдет-ғұрпымен әлемге танымал. Менің елім жер көлемі бойынша тоғызыншы орында. Елімнің дәл ортасында, Еуразия жүрегінде елордамыз Астана қаласы орналасқан . Осынау жас қаланың өркендеуіне, гүлденуіне зор үлес қосқан елбасымыз Н.Ә.Назарбаевтың еңбегі орасан зор. Қазіргі таңда қазақ елі қай салада болмасын даму үстінде , себебі Отанымыздың әр облыстарында үлкен-үлкен жобалар іске қосылуда. Елімізде 140-тан астам ұлт өкілдері тату-тәтті, бейбітшілікте, ынтымақтастықта өмір сүруде.
«Мақтанамын Отаныммен
Отаныма «Ботамын!» мен»
дегендей Отаныммен, еліммен мақтанамын. Мақтанарлыққа тұрарлықтай елімізде «Экспо - 2017» көрмесі өтпекші. Әлем елдері бізге қызғана да, қызыға да көз тігуде. Тек айтарым Отанымды тіл-көзден сақтаса екен деймін. Әлем елдерінің ешқайсысында жоқ тыныштық орнаған қазақ елі аман болса екен.
Менің Отаным - Қазақстан. Неткен шуақты ұғым! Бұл керемет сөздер менің жанына жақын, жүрегіме ыстық. Адамның жақсы, бақытты өмір сүруі Отанға деген сүйіспеншілігіне байланысты. Мен болашақта өркендеп, гүлденіп келе жатқан елімнің дамуына өз үлесімді қосамын.  


Құрметті оқырман! Файлдарды күтпестен жүктеу үшін біздің сайтта тіркелуге кеңес береміз! Тіркелгеннен кейін сіз біздің сайттан файлдарды жүктеп қана қоймай, сайтқа ақпарат қоса аласыз! Сайтқа қосылыңыз, өкінбейсіз! Тіркелу
Толық нұсқасын 30 секундтан кейін жүктей аласыз!!!


Кейінірек оқу үшін сақтап қойыңыз:


Қарап көріңіз 👇



Жаңалықтар:
» NIS-тің мың домбырашысы Гиннесс рекордтар кітабын бағындырды 26.05.2022
» Президенттің баспасөз қызметі Тоқаевтың 30 жыл бұрынғы суреттерін көрсетті (фото) 22.05.2022
» Қазақстандағы жеңілдетілген автокөлік несиелері: Автосалондар қосымша қызмет алуға мәжбүрлейді 20.05.2022

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы