Ұ.Есдәулетов «Біз түркілерміз». Қазақ әдебиеті, 10 сынып, сабақ жоспары.

Пән:

Қазақ әдебиеті

Күні:

Мұғалімнің аты-жөні:

Сынып:

Қатыспағандар:

Бөлім тақырыбы

Аңызбен өрілген көркем сөз

Сабақтың тақырыбы

Ұ.Есдәулетов «Біз түркілерміз»

Осы сабақ арқылы жүзеге асатын оқу мақсаттары

10.1.5.1 - шығармадағы ұлттық құндылықтардың әлемдік тақырыптармен үндестігін ашу.

Сабақтың мақсаттары

Барлық оқушылар:

• Шығармадағы ұлттық құндылықты анықтайды;

Көптеген оқушылар:

• Ұлттық құндылық көрінісіне шығармадан дәлел келтіреді;

Кейбір оқушылар:

• Әлемдік тақырыппен үндестігіне талдау жасайды.

Бағалау критерийлері

Шығармадағы ұлттық құндылықты әлемдік тақырыппен байланыстырады.

Тілдік мақсаттар

Пән лексикасы және терминология: көк аспан, көк бөрі, көк тәңір, көк байрақ

Диалог және жазылым үшін қажетті сөз тіркестер: ұлыған көк бөрімін, біз - түркілерміз!

Мектеп құндылықтары

Ынтымақтастық: өзіне жағымды қатынастарды дамыту, ынтымақтастық дағдыларын қалыптастыру және сындарлы көзқарасты дамыту, өзара қарым-қатынастар құрған кезде сыни ойлай білу

Осыған дейін меңгерілген білім

10.1.3.1 - көркем шығармадағы кейіпкерлер жүйесін жинақтау мен даралау;

Жоспар

Жоспар бойынша орындалуы тиіс іс-әрекеттер

Ұйымдастыру.

Оқушыларға оқу мақсаты мен бағалау критерийі (дескриптор) таныстырылады.

«Мендік пікір» арқылы Ұ.Есдәулетов «Біз түркілерміз» өлеңінен алған әсерін жеткізу

(Таяқшаларға жазылған есімдерді атау арқылы 12 оқушының пікірі тыңдалады)

• Мені қинағаны…
• Мені түңілдіргені…
• Мені жұбатқаны…
• Мені өкіндіргені…
• Мені үрейлендіргені…
• Мені сүйсіндіргені…
• Мені қуантқаны…
• Мені қайраттандырғаны…
• Менің тілегім…
• Мені қызықтырғаны…
• Біздің түйгеніміз:

Т.

Әр топқа өлең үзіндісі беріледі. Өлең жолдарының мазмұндық құрылымына талдау жасайды.

1-тапсырма.

Өлең мазмұнын талдау үшін топтарға бірігіп, рөлдерін бөліп алады:

1-оқушы: таныстырушы- өлеңнің идеясы мен тақырыбын таныстырады.

2-оқушы: байланыстырушы – өлең идеясын өмірмен байланыстырады.

3-оқушы:салыстырушы: өлеңді басқа ақынның осы мазмұндас шығармасымен салыстырады.

4-оқушы: суретші – өлең мазмұны бойынша сурет салады.

Бір рөл алған әр топтың мүшесі жаңа топ құрап, ой тізбегін құрастырады. Мазмұндық құрылым сақталуы тиіс.

Кері байланыс. «Сәтті...»

2-тапсырма.

Кестені топта талқылап толтырады. Еліміздің тарихымен байланыстыра отырып, ұтымды пікір білдірулері тиіс.

1-топ.

Біз - түркілерміз

           Біз - түркілерміз...

Біз - түркілерміз!

Көк аспандай жарқылдап, күркірерміз,

Көк аспанның бұлтындай сілкінерміз,

Көк бөріден туғанымыз рас болса,

Көк тәңірден қуат ап, бір түлерміз.

2-топ.

Кеудемізді билеген асқақ арман,

Тарихымыз дастан боп таста қалған,

Тірсегіміз тілінген кездерде де

Жан жүректі жерім жоқ жасқа малған.

3-топ.

Жұтып қойған ғасырлар өктем үнін,

Айға қарап ұлыған көк бөрімін.

Атқа мінсем кетемін аруақтанып,

Арасында желік бар ет-терінің.

4-топ.

Атқа мінсем кетемін айбаттанып,

Қылыш көрсем кетемін қайраттанып.

Ғасырлардың бетіне қалқып шыққан,

Біздің халық - бұ да бір қаймақ халық!

5-топ.

Намысымдай ешкімге таптатпаған,

Түркістанның күмбезі асқақтаған.

Бабаларым жатыр ғой бата беріп,

Аруақтар аманатын ақтап бағам.

6-топ.

Көк тәңірден көңілге нұр тілерміз,

Көк аспандай әлі де күркірерміз.

Көк бөрілі көк байрақ көкке шықса,

Қай дұшпанның алдында іркілерміз?

Біз - түркілерміз!

Біз - түркілерміз!!

Біз - түркілерміз!!!

Кері байланыс. «Екі жұлдыз, бір тілек»

Рефлексия

• 1.Бүгін мен өзіме қандай 3 жаңалық аштым?
• 2.Менің үйренген 2 нәрсем...
• 3.Жүзеге асыратын 1 - қадамым