Рационал сандарды азайту. Математика, 6 сынып, дидактикалық материал.

Сабақтың тақырыбы: Рационал сандарды азайту

Сабақтың мақсаты: Оқушылар рационал сандарды азайтып үйренеді, координаталық түзуде нүктелердің арақашықтығын табады

Бағалау критерийлері: Оқушы

• Рационал сандарды азайтуға есептер шығарады;
• Шарты бойынша мәтін есептерді шығарады;

Координаталық түзудегі нүктелердің арақашықтығын табады

Тапсырма 1.

Ойыншылар командасы қарсылас команда қақпасына 5 доп салды, ал өздерінің қақпасына 2 доп жіберіп алды. Әрбір салған доп үшін +1 ұпай, ал жіберіп алған доп үшін (-1) ұпайға ие болды. Ойын нәтижесі қандай? Бұл команда ұтты ма әлде ұтылды ма?

Тапсырма 2. Торғай өзінен 7,4 м арақашықтықтағы инелікті қуады. Инелік жылдамдығы 3,7 м/с, ал торғайдың жылдамдығы 5,8 м/с. 1с уақыт өткен соң олардың арақашықтығы неше м болады?

Тапсырма 3. Ауа температурасы таңертең 4С, ал кешке -3С болды. Тәуліктегі температура өзгерісі қандай?

Тапсырма 4.

Тапсырма 5.Координаталық түзудегі бірлік кесіндінің ұзындығы 1 см. А нүктесіне -2,5 саны, В нүктесіне оған қарама – қарсы сан сәйкес келеді. АВ кесіндісінің ұзындығын табыңыз.

Тапсырма 6. Координаталық түзудегі бірлік кесіндінің ұзындығы 1 см. CD кесіндісінің ұзындығы 16 см. Кесіндінің ортасы координатасы -5 болатын нүктемен белгіленген. C және D нүктелерінің координаталарын табыңыз.

Тапсырма 7. Өрнекті ықшамдаңыз

• a+(-b)-(-2a)
• –a-(+a)+2b-(-b)
• –a-(-b)-4a
• –a-(+3a)+(-b)-b

Тапсырма 8. Таңба ережелерін қолданып,жақшаны ашып,есептеңіз

• (-14,35)-(-53,5)-(+21,3)-(-16)
• (-60)-(-15,9)-(+8,2)-(-23,3)

Жеке жұмыс (10 мин)

1 тапсырма. Есептеңіз:

• 24,6+(-35,9)-(-6,5)+(-5,2)
• (-32)-(-13,8)-(+26,3)-(-27,5)

2 тапсырма. Марат пен итінің арақашықтығы 108 м. Мараттың жылдамдығы 70м/мин. Иті 27 с соң Маратты қуып жетті. Иттің жылдамдығын тап.