Су-тіршілік көзі. Қазақ тілі (орыс сыныбы), 5 сынып, дидактикалық материал.

Су-тіршілік көзі

5.А4.Шағын көлемді мәтіндердің мазмұнына жоспар құру, соған сүйеніп баяндау.

Білу және түсіну, қолдану

Құрылған жоспар негізінде мәтінді мазмұндайды.

Тапсырма

• Мәтінді оқып, мазмұн бойынша жоспар құрыңыз.

Мәтін

Халықаралық зерттеушілер 2030 жылдары планета тұрғындарының 47 пайызына тұщы су жетіспеушілігі болатынын айтады.

БҰҰ-ның Бас хатшысы Пан Ги Муннің: «Әлем тұщы су үшін соғыс жағдайына жақындады» деген сөзі қауіп-қатердің мәнін байқатады. Ұйымның Бас хатшысы бекер алаңдамайды. Оны халықаралық сарапшылардың зерттеулері де дәлелдей түседі. БҰҰ сарапшыларының зерттеулеріне қарағанда, 2020 жылдан кейін әлемнің 22 ірі мегаполисі құбырлар арқылы келетін тазартылған судың жетіспеушілігіне ұшырайды. Әсіресе Африка мен Қытай елдерінде қатты білінетін болады. Соның салдарынан Африка халқы Еуропаға көше бастайды екен. 2025 жылы әлемдік нарықта су экспорты халықаралық бизнеске жол ашады. Ғаламшардағы су тапшылығы мәселесі суды қайталап пайдалану технологиясын жасауға әкеледі . Ауыз судың бағасы мұнай бағасынан да бірнеше есе қымбат болады. Бұл болашақта күрделі мәселеге айналып, ауызсу үшін болатын соғыстарға әкелуі мүмкін.

Жоспар.

Кіріспе бөлім. ____________________________

Негізгі бөлім. ____________________________

Қорытынды бөлім. ________________________

• Жоспарыңыз бойынша мәтін мазмұнын жұбыңызға баяндаңыз.

Бағалау критерийлері

Мәтін мазмұнына сай жоспар құрады.

Жоспарға сай баяндайды.