Қазақ хандығы қалай құрылды? Дүниетану, 3 сынып, сабақ жоспары.

Ұзақ мерзімді жоспар бөлімі:

6-бөлім «Көрнекті тұлғалар»

Мерзімі: 3-тоқсан

Сынып: 3

Модератор: Сейтахметова Ж.М.

Қатысқандар:

Қатыспағандар саны:

Сабақ тақырыбы

Қазақ хандығы қалай құрылды?

Осы сабақта қол жеткізілетін оқу мақсаттары (оқу бағдарламасына сілтеме)

3.3.3.1 Қазақ хандығының құрылу себептерін түсіндіру

Сабақ мақсаттары

Оқушылар

• Қазақ хандығының негізін қалаушылар Жәнібек пен Керей хандарымен танысады;
• Қазақ хандығының құрылу себептерін түсіндіреді.

Бағалау критерийлері

- Қазақ хандығы қалай құрылғанын әңгімелейді;

-Қазақ хандығының негізін қалаушыларды біледі;

- Қазақ хандығының құрылуының 3 себебін түсіндіреді;

-Қазақ хандығы мен қазіргі Қазақстан аумағын салыстырады;

- Қазақ хандығы құрылуындағы маңызды оқиғаларды атап шығады.

Тілдік мақсаттар

Оқушылар:

- Қазақ хандығы қалай құрылғанын түсіндіреді.

Терминология:

• Жәнібек пен Керей хандардың ескерткіштері
• Қазақ хандығы

Талқылауға арналған сұрақтар:

- Қазақтардың алғашқы мемлекеті қалай аталды?

- Жәнібек хан мен Керей ханға ескерткіш неге салынды?

Құндылықтарды дарыту

Патриотизмді дамыту қазақ халқының көрнекті тұлғаларымен: Жәнібек пен Керей хандарымен танысу және олардың Қазақстан тарихындағы рөлін түсіну арқылы жүзеге асырылады.

Пәнаралық байланыстар

Математика: Қазақ хандығы құрылғаннан бері неше жыл өткенін санайды.

Қазақ тілі: диалог құрады.

Жаратылыстану: «Құс базары» ұғымы.

Алдыңғы меңгерілген білім

1 сыныпта «Саяхат» тарауында оқушылар Ботай мәдениетінің ерекшелігін суреттеп,түрлі дереккөздер негізінде Тұмар патшайым туралы түсінік алған . Оқушылар 3 сыныптың «Уақыт» тарауында ежелгі түркілердің өмір сүру салты туралы мағлұматтар алған.

Сабақ барысы

Сабақта жоспарланған іс-әрекет

• Тақырыпқа кіріспе

Қазақ хандығының құрылуы туралы бейнежазбаны көру «Қазақ хандығына 550 жыл».

Ұзақтығы: 3 мин 37 сек

Талқылауға арналған сұрақтар:

- "Мың өліп, мың тірілдік"сөзі нені білдіреді?

- Жәнібек пен Керей сұлтандар несімен танымал?

- Қазақ хандығының 550 жылдығы қашан атап өтілді?

- Бұл оқиға біздің еліміз үшін неге маңызды?

• Сабақ мақсатын анықтау (ұжымда)
• Сабақ тақырыбы мен мақсаты жайлы оқушылардың болжамдары айтылады.
• Сабақ мақсаты ұсынылады:
• Қазақ хандығының негізін қалаушылар Жәнібек пен Керей хандарымен танысады;
• Қазақ хандығының құрылу себептерін түсіндіреді.

• «Құс базары» мәтінді оқу стратегиясы (жеке, жұппен)

Оқушыларға Қазақ хандығының пайда болуы туралы мәтін таратылады. Барлық оқушылар орындарынан тұрып, сыныпта серуендеп мәтінді дауыстап оқиды (Құс базары сияқты). Ары қарай мұғалім белгісі бойынша оқушылар бір-біріне жұп таңдап алып, нақтылаушы сұрақтар қоя отырып, бір-біріне дауыстап оқып береді.

Бағалау критерийі:

- Қазақ хандығы қалай құрылғанын әңгімелейді.

• «Диалог құрамыз» тапсырмасы (жұпта)

- Оқушылар Жәнібек пен Керейдің суреттері және мәтін негізінде жұпта рөлдерді бөліп, бір-бірімен әңімелеседі.

Талқылауға арналған сұрақтар:

Жәнібек пен Керей халыққа бас болып, қоныс аудара бастады. Қалай ойлайсың, олар не туралы әңгімелесуі мүмкін? Жұптасып, олардың сұхбатын өз қиялдарыңмен құрастырып көріңдер.

- Оқушыларға болжам жасау ұсынылады: бұдан ары қарай не болады? Оларды жат елде қандай кездесу күтіп тұр?

- Болжамнан кейін оқушылар жұппен қазақ хандығының құрылуы туралы мәтінді оқып, өз болжамдарымен салыстырады.

Бағалау критерийі:

- Қазақ хандығының негізін қалаушыларды біледі;

- Қазақ хандығының құрылуының 3 себебін түсіндіреді.

• Бір минутқа тапсырма «Кел, санайық» (жеке)

Оқушылар Қазақ хандығының құрылған уақытынан бастап қанша жыл өткенін санайды. Бірінші және дұрыс жауап берген оқушыға көтермелеу мақсатында медаль беріледі. Мұғалім барлық ел болып тойлаған Қазақ хандығының 550 жылдығы туралы әңгімелейді.

• «Картамен жұмыс» (топта)

Оқушылар топтарға бөлінеді. Әр топқа 2 карта таратылады: қазіргі Қазақстанның кескін картасы және Қазақ хандығының картасы. Оқушылар топта қазақ хандығының аумағын салыстыра отырып, кескін картада белгілеулер жасап, қорытындылайды.

Өзін-өзі бағалау мұғалімнің дұрыс нұсқасымен салыстыру арқылы жүзеге асырылады.

Бағалау критерийі:

• Қазақ хандығы мен қазіргі Қазақстан аумағын салыстырады.

• «Бейнебаян жаса» стратегиясы (топта)

Топта оқушылар Қазақ хандығының құрылуы туралы бейне клиптің сценарийін құрастырады.

Талаптар:

• Бейнебаян кем дегенде 4 кадрдан тұру керек;
• Қазақстанның мемлекет болып құрылу жолындағы негізгі кезеңдер қамтылуы тиіс.

Бағалау «Екі жұлдыз бір тілек» әдісі арқылы бағаланады.

Бағалау критерийі:

• Қазақ хандығы құрылуындағы барлық маңызды оқиғаларды атап шығады.

Рефлексия (жеке):

«3 сәт» стратегиясы

Оқушылар сабақ барысында есте жақсы сақталып қалған 3 сәтті атайды немесе жазады (егер уақыт аз болса, жазбаша тапсырады).

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Барлық оқушыларға бірге (немесе ата-аналармен) "Жаужүрек мың бала" фильмін көруге және талқылау ұсынылады (әдістемелік нұсқаулықты қараңыз). Қабілеті жоғары оқушыларға Жәнібек пен Керей басқаруынан кейін Қазақ хандығын кімдер басқарғаны жайлы зерттеу жүргізу керек.

Оқуда кедергісі бар оқушыларға көрген фильм бойынша «Қазақ елінің батырлары» тақырыбында шағын эссе жазуды ұсынуға болады.

Бағалау және кері байланыс беру сабақтың өн бойында жүріп отырады. Сабақта өзара бағалау және өзін-өзі бағалау сияқты бағалау түрлері қолданылады. Практикалық тапсырма "2 жұлдыз, 1 тілек" әдісімен бағаланады. "Сұрақ-жауап" стратегиясының көмегімен барлық оқушылар Қазақ хандығының құрылу себептерін анықтай алғандықтарына көз жеткізіңіз.

Оқушылар сынып бөлмесінде қозғалу барысында, топтық жұмыс барысында қауіпсіздік техникасы сақталады.