Қауіпсіздік ережесі. Командалық ойындағы көшбасшылық және көшбасшылық дағдысы. Дене шынықтыру, 10 сынып, дидактикалық материал.

Сабаққа арналған дидактиқалық ақпарат.

7-бөлім – Командалық ойын – белсенді қозғалыс нысаны.

Сабақ тақырыбы: Командалық ойындағы көшбасшылық және көшбасшылық дағдысы.

Оқу мақсаттары:10.1.1.1. Спорттық арнайы қимыл-қозғалыс дағдыларының дәлдігін, бақылауды және икемділігін кең ауқымда жоғары дәрежеде шеберлік көрсете отырып үйлестіру

«Орын ауыстыру арқылы допты қуу».

(Б, Т, К) Сынып екі топқа бөлініп 10 м. арақашықтықта қарама-қарсы бір қатарға сап түзеп тұрады. Қатардағы оқушылардың ара қашықтығы 3-4 м. болу қажет және 1-ші 2-шіге саналады, бірдей сандағы оқушылардың арасында бөлек сандағы оқушылар тұруы керек. Екі топтағы 1 нөмірлер бір команда құраса 2 нөмірлер екінші команданы құрайды. Екі қатардың да шеткі ойыншыларында доп болады және оларды шеңбермен белгілеп қоямыз. Мұғалімнің белгісі бойынша диагоналмен допты қарсы тұрған ойыншыға жалғау керек және соның орнына тұру үшін жүгіреді, ал, допты қағып алған ойыншы диагоналмен келесіге жалғайды ойын солай жалғасады. Доп ең шеттегі тұрған ойыншыға жеткен кезде ол допты алып жүру арқылы қарсы сапты айнала жүгіріп белгіленген орынға бірінші болып жету керек. Ойын аяғында ойыншылар өздерінің бастапқы орындарынан табылу керек. Бастапқы сапты қай топ бірінші жабдықтайды сол топ жеңіске жетеді.

Дескрипторлар

- Қауіпсіздік ержесін сақтайды.

- Тапсырма бойынша ойыншылар өз рөлін дұрыс орындайды

- Жылдамдылық қасиеттерін арттырады.

- Ойын барысында допты алып жүру, командаласына допты беру әдістерін дұрыс орындайды.