Ерітінділердің электролизі. Химия, 10 сынып, сабақ жоспары.

Бөлім атауы: 10.2A Химиялық реакциялар заңдылығы

Мектеп:

Күні:

Мұғалімнің аты-жөні:

Сынып: 10

Қатысқан оқушылар саны:

Қатыспағандар:

Сабақтың тақырыбы

Ерітінділердің электролизі.

Осы сабақ арқылы жүзеге асатын оқу мақсаттары (Оқу бағдарламасына сілтеме)

10.2.3.3 ерітінді және балқыма арқылы электр тоғы өткен кезде жүретін үдерістерді оқу және түсіндіру;

10.2.3.4 электролит ерітінділерін және балқымаларын электролиздеу кезінде электродтарда түзілетін электролиз өнімдерін болжау;

10.2.3.5 ерітінді және балқыма электролизі үдерісі сызбанұсқасын құра алу;

10.2.3.6 электролиз өнімдерінің массасын, көлемін (газ) есептей алу.

 Сабақтың мақсаттары

• ерітінді арқылы электр тоғы өткен кезде жүретін үдерістерді түсіндіру;
• электролит ерітінділерін электролиздеу кезінде электродтарда түзілетін электролиз өнімдерін болжау;
• ерітінді электролизі үдерісі сызбанұсқасын құрастыру;
• ерітінділер электролиз өнімдерінің массасын, көлемін (газ) есептей алу.

 Жетістік критерийлері

• ерітінді арқылы электр тоғы өткен кезде жүретін үдерістерді түсіндіреді;
• электролит ерітінділерін электролиздеу кезінде электродтарда түзілетін электролиз өнімдерін болжайды;
• ерітінді электролизі үдерісі сызбанұсқасын құрастырады;
• ерітіндінің электролиз өнімдерінің массасын, көлемін (газ) есептейді.

 Тілдік мақсаттар

Ауызша немесе жазбаша түрде деректерге сәйкес қорытынды жасай алады, сабақ кезінде қойылған сұрақтарға жауап береді, пәнге қатысты терминологияны қолданып, сұрақтарға жауап береді.

Пәнге тән лексика мен терминология:

Диалог пен жазу үшін пайдалы сөздер мен тіркестер:

Иондық қосылыс балқыған кезде, онда …

Ерітінді арқылы тоқ өтетін кезде, X болады

X болды, сондықтан Y болуы керек/ бола алады Z

Біз X болжадық, бірақ Y болды

Бұндай нәтиже ... білдіреді

 Құндылықтар

Өмір бойы білім алу – ерітінділер электролизінің қолданылуын білу

Құрметтеу – бір – бірлерінің пікірлерін тындай алу

Ынтымақтастық – топта, жұпта жұмыс істеу білу

 Пәнаралық байланыс

Физика – электролиз электр тоғының көмегімен жүретін үрдіс деп түсіну

Математика – электролиз үдерістерін қолданып есептер шығару

 Осыған дейін меңгерілген білім

7.3А Химиялық реакциялар

8.2В Стехиометриялық есептеулер

8.2С Химиялық реакциядағы энергиямен танысу

9.1A Электролиттік диссоциация

9.2А Тотығу-тотықсыздану реакциялары

Сабақтың барысы

Жоспар бойынша орындалуы тиіс іс-әрекеттері

Амандасу.

Тақырып пен мақсаттарды анықтау. 5минут

(Оқушыларға әртүрлі заттар беріледі. Олар электр тоғын өткізетін және өткізбейтін заттарды анықтау керек. Сонымен қатар, электр тоғын өткізетін / өткізбейтін себебін түсіндіру керек)

Көрсетілім: натрий гидроксидінің ерітіндісі, мыс (ІІ) сульфатының ерітіндісі, қант ерітіндісі, этил спирті, натрий хлоридінің ұнтағы, сірке қышқылы, тұз қышқылы

• Неге ерітіндіде заттар электр тоғын өткізеді?
• Қандай заттар ерітіндіде электр тоғын өткізеді?
• Балқымалар мен ерітінділердің электролизі бірдей жүре ме? Неліктен?

Натрий хлориді ерітіндісінің электролизін қарастыру. 10минут 

Көрсетілім: Натрий хлоридінің электролизіне арналған құралды тартпа шкафтың астында жинау. Электролизді бақылау.

Көрсетілім бойынша сұрақтар қою;

• Натрий хлориді ерітіндісінің электролизі барысында катодта және анодта қандай өзгерістер байқалады?
• Катод жағындағы ерітіндіге фенолфталеин 1-2 тамшысын тамызса, ол таңқурай түске боялады? Неге?
• Анод жағына суланған көк лакмус қағасын салса, ол көгереді. Неге?
• Диафрагма (мақта) қандай қызмет атқарады?
• Неге катодта натрий емес, ал сутек газы түзіледі?
• Катодта түзілген сутекті қалай анықтауға болады?
• Осы үдерістің өндірістік маңызы бар ма?

Катодта және анодта жүретін электролиз туралы ақпаратпен қолданып, тапсырма орындау. 10минут

KCl, ZnCl₂, Cu(NO₃)₂ AgNO₃, NaOH – ерітінділерінің электролизі теңдеулерін жазу.

Критерийлер:

• Заттардың диссоциациялану теңдеуін дұрыс жазады;
• Катодта және анодта жүретін процестерді дұрыс көрсетеді;
• Электролиз нәтижесінде алынатын өнімдерді дұрыс көрсетеді.

Электролиз өнімдерінің массасын, көлемін (газ) есептеуге арналған тапсырма орындау. 10минут

• Массасы 16г мыс (ІІ) сульфаты ерітіндісінің электролизі нәтижесінде анодта түзілген газдың көлемін есептеңдер. (анодта 2,24л оттек газы түзілді)
• Массасы 46г магний бромиді балқымасының электролизі нәтижесінде катодта және анодта алынған өнімдердің массасын есептеңдер. (катодта 6г магний, анодта 40г бром )
• Күміс нитраты ерітіндісінің электролизі нәтижесінде катодта 27г күміс түзілді. Электролизге қанша күміс нитраты қатысты? (42,5г)

Рефлексия:

- не білдім, нені үйрендім

- не түсініксіз болды

- не бойынша жұмыс жасау керек

Үй жұмысы: Ерітіндідегі заттардың электролизін қарастыру: Кальций хлориді, магний сульфаты, калий сульфиті, барий гидроксиді

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – оқушылардың ақпаратты қаншалықты меңгергенін қалай тексересіз?

Денсаулық және қауіпсіздік ережелерін сақтау

Тапсырмаларды орындауға киынсынайтын оқушыларға қабілеті жоғары оқушылар көмектеседі.

Қабілеті жоғары оқушылар ерітіндідегі заттардың электролизіне өздігінен мысал келтіріп орындайды.

Бірін-бірі критерийлер бойынша бағалау

- Берілген заттармен абайлап жұмыс істеу, жақыннан иіскемеу

- интербелсенді тақтамен 15-20минут жұмыс істеу

Сабақ бойынша рефлексия

Оқу мақсаттары/оқыту мақсаттары жүзеге асырымды болды ма?

ОМ барлық оқушылар жетті ме?

Егер жетпесе, онда неге?

Сабақта саралау дұрыс жүргізілді ме?

Сабақтың уақыт бойынша кезеңдері сақталды ма?

Сабақтан жоспарынан тыс өзгерістер болды ма және неге?

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:

2:

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

2:

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?