: Шығармашылық жұмыстарды түрлі формада ұсыну. 3 сынып

 Тарау: Жақсыдан үйрен, жаманнан жирен

 Сабақ тақырыбы: Шығармашылық жұмыстарды түрлі формада ұсыну

 Оқу мақсаттары:

 3.2.1.1 мәтінді дауыстап түсініп/ рөлге бөліп/ мәнерлеп/ теріп оқу

 3.3.3.1 шығармашылық жұмысын сурет/сценарий түрінде ұсыну

 Сабақ мақсаттары:

 Барлық оқушылар: өлеңді мәнерлеп және қажетті ақпаратты теріп оқиды, шығармашылық жұмысын сурет түрінде ұсынады.

 Көптеген оқушылар: шығарманың маңызды тұстарын түсіндіре алады.

 Кейбір оқушылар: өлеңнің жанрлық ерекшелігі туралы білетін білімін пайдалана алады

 Бағалау критерийлері

• өлеңді мәнерлеп және қажетті ақпаратты теріп оқиды
• шығармашылық жұмысын сурет түрінде ұсынады.

Сабақ барысы

 Сабақтың басы: Сабақ басында ширату тапсырмасы «Мейірімді сөздер» ойыны арқылы ұйымдастырылады. Ол үшін:

•  Мұғалім: Балалар да үлкендерде өздерің мақтағанды ұнатады. Осыған байланысты мен сендерге бір ойынды ұсынамын, бұл ойын барысында сендер бір-біріңе көптеген жақсы сөздер және мақтаулар айтасыңдар. Барлықтарың бір үлкен шеңбер құрып тұрыңдар.

 2. Жүргізуші ойыншылардың біреуін, ортаға шығарып қара шынылы көзілдірікті «ол сиқырлы» деп түсіндіріп киюді сұрайды.

 3. Өзінің оң жақтағы көршіңе қара, ол сенің көзілдірігіңе қарап тұрып «Түсімде емес, өңімде, менің бойымда қандай жақсылық бар?» деген сөздерді айтсын.

 «Көзілдірік» (демек көзілдірік киіп тұрған адам) оның атынан қандай да бір жақсы сөзді оған айтсын. Көзілдірік оған қараған балаға беріледі, ал оның көршісі жаңағы сиқырлы сөзді айтады.

 Керемет! Бір-бірлеріңде жиі мақтауға тырысыңдар. Осылайша өздеріңнің достарыңның көңіл-күйлерін көтересіңдер. Ал егер досыңның көңіл-күйі жақсы болса, онда сіздің де көңіл- күйіңіз жақсы болады.

 Оқушылармен бірге сабақ мақсаты анықталады: өлеңді мәнерлеп және қажетті ақпаратты теріп оқиды, шығармашылық жұмысын сурет түрінде ұсынады.

 Сабақтың ортасы:

 1-тапсырма. Анықтайық.

 Тапсырманы орындау бойынша нұсқаулық.

 (Ұ) Суреттегі жылқы, бүркіт, жайылымдағы қой т.б. қатысты қандай халық салт-дәстүрін білесің? Әңгімеңді сабақ тақырыбымен баланыстыр.

•  Мұғалім суретті тақтадан көрсетеді.
•  Оқушылар сурет бойынша қойылған сұрақ бойынша өз ойларын ортаға салады.

 Саралау: «Тапсырма арқылы саралау» негізінде орындалады. Тапсырманы орындау барысында әр оқушының ойлау деңгейінің әр-түрлі болатындығын ескере отырып, әр оқушыға өз мүмкіндігі бойынша қолдау беріледі.

 Қ/Б:«Екі жұлдыз, бір тілек» әдісі. Екі жұлдыз –жұмыс туралы екі ұнаған нәрсе. Тілек – жақсартуды қажет ететін нәрсе.

 2-тапсырма. Оқиық.

 Тапсырманы орындау бойынша нұсқаулық.

 (Ө,Т). «Ролдегі оқушылар» әдісі бойынша төрт топ жұмыс жасайды. Өзара рөлдерді бөліп алады. (Баяндаушылар, Сұрақ қоюшылар, Дәнекерлеушілер, Із кесушілер).

•  Тұманбай Молдағалиевтың «Қазақ деген халықтың баласымын» өлеңін барлық оқушылар түсініп оқиды.
•  Өлеңді оқып болған соң әр оқушы өз рөлдері бойынша жұмыс жасайды.
•  Баяндаушылар өлеңді баяндайды.
•  Сұрақ қоюшылар ашық сұрақтар қарастырады.
•  Дәнекерлеушілер өмірмен байланыстырады.
•  Із кесушілер қызықты мәліметтерді табады.
•  Топтар өз жұмыстарын таныстырады.

 Саралау: «Нәтиже арқылы саралау». Оқушыларға бірдей тапсырма беріледі, нәтиже әртүрлі беріледі.

 Қ/Б. Мадақтама. Оқушылардың берілген тапсырма бойынша орындаған іс-әрекетін «Тамаша!» «Жарайсың!» «Керемет!» сөздерімен бағалау.

 3-тапсырма. Құрастырайық.

 Тапсырманы орындау бойынша нұсқаулық.

 (Т,Ж). Ақын өлеңде қазақ халқының қандай жақсы қаситеттерін көрсеткен, тізімін жаса.

•  Өлеңнен қажетті ақпаратты теріп оқиды (беретін бар асылын, тілін алып өсетін, жағасынан алмайтын, анасының сөзін жықпайтын, салтын сақтайтын т.б.)
•  Топ бойынша ортақ тізім құрастырады.
•  Анықтаған тізімдерін постерге жазады.
•  Тізім бойынша жұмыстарын қорғайды.

 Саралау: - «Диалог және қолдау көрсету арқылы саралау» негізінде орындалады. Бұл тапсырма кезінде мұғалімнің көмегін қажет ететін оқушыларға қолдау беріледі.

 Қ/Б «Смайликпен» бағалау әдісі. Топтар бір –бірін тыңдайды, стикерлерге смайликтер суретін салып, оны бағаланған топ үстеліне жапсырады.

 4-тапсырма. Бейнелейік.

 Тапсырманы орындау бойынша нұсқаулық.

 1.«Қазақ деген халықтың баласымын» өлеңінің мазмұны бойынша суреттер салады.

 2.Салынған суреттерді «Галереяда ой шарлау» әдісі арқылы қортындылап, бағаланады.

 3.Қабырғаға дайындалған постер ілінеді. «Галереяға саяхат» –топтар кабинет ішінде қозғалысқа түседі, қабырға газеттерін қарайды, сараптайды, талдайды және жапсырма қағазға пікірін немесе сұрағын жабыстырып кетеді.

 4.Галереяға саяхат аяқталған соң, топтар жұмыстарға шолу жасап, өз қабырға газеттеріне жазылған сыныптастарының пікірін сараптайды, талқылайды, сұрақтарға жауап береді және қорытынды жасайды.

 Саралау: - «Қарқын арқылы саралау» негізінде орындалады. Тапсырманы орындау кезінде басқаларға қарағанда жылдам жұмыс жасайтын оқушыны топ басшысы етіп сайлап, тапсырманы сол оқушының жетекшілігімен орындау ұсынылады.

 Қ/Б. «Жапондық бағалау» әдісі арқылы оқушылар жұптық жұмысты бағалайды.

«ООО»- тамаша

«МММ» - жақсы

«Сұқ саусақ» -келісемін

«Екі саусақты» -сұрағым бар

 Сабақтың соңы.

«Жетістік баспалдағы»

 Оқушылар стикерлерге өз есімдерін жазып (немесе смайликтің суретін салып) тақтада салынған баспалдақтардың біріне жабыстырады. Баспалдақтар «Керемет!», «Өзіме сенімдімін!», «Жақсы», «Жаман емес», «Маған көмек керек!», «Білмеймін», «Нашар» деп аталады.

 Ескерту. Сынып оқушыларының ерекшелігіне байланысты мұғалім тапсырмаларды ауыстырырып орындай алады.