Қазақша өлең: Ғафу Қайырбеков (Өмір күші) » ZHARAR © 2016 | ғафу қайырбеков Өмір күші стихи өлең гафу каирбеков олен казакша, ғафу қайырбеков өлеңдері , гафу каирбеков олендери , гафу каирбеков стихи на казахском




  • »

Қазақша өлең: Ғафу Қайырбеков (Өмір күші)

Қазақша өлең: Ғафу Қайырбеков (Өмір күші) казакша Қазақша өлең: Ғафу Қайырбеков (Өмір күші) на казахском языке

Мыңдаған қалам өрнегі түсіп,
Алуан көздің от ізі қалған.
Талайдың басып алақаны ыстық,
Екінші қолға суымай барған,

Маған да жетті сол қағаз қымбат,
Жүректен шықты мызғымас антым.
Қаламның бойын қуалай зырлап,
Құйылды барып қағазға әрпім.

Үндеуден көрді көзім тез шалып,
Інімнің қолын қойылған шапшаң.
Тұрғандай болды тұтасып халық,
Осынау байтақ астында аспан.

Жалауын бейбіт өмірдің ортақ,
Көтеріп қолдан айбарлы үнмен.
Астында тудың тұрды бір шырқап,
Өзімдей ұлан өмірді сүйген.

Толды да кеуде сезіммен күшті,
Өмірдің алып қайратын көріп.
Келешек маған жымия түсті,
Өзінің ғажап ісіне сеніп.


Санат: KZ портал » Қазақша Өлеңдер жинағы | | 537
Рейтинг:
(голосов: 0)

.

. .