Тынышбай Рақым (Тәттілігі татима тамсануға?)

 Тынышбай Рақым (Тәттілігі татима  тамсануға?)

Тәттілігі татима тамсануға?
Кеттім екен арман боп қайсы аруда?
Мен қыздардың көзіне ғашық болдым,
Ғашық болып алдымен Ән салуға.

Сондықтан да тым ерте ғашық болдым -
Алабұрттым, алқындым, асып, толдым.
Сезімге еріп сиқырлы, кезім келіп,
Ауылынан күдіктің қашық қондым.

Мені күтіп сол ма еді көз ілмеген?
Сол болар деп жаныммен сезінген ем.
От па мені күйдірген, шоқ па мені -
Не болғанын білмеймін өзім де мен.

Шыққанында сарғайып таң белеңге
Шымырлайды шырын саз жан денемде -
Сенбеймін мен ән салған сәттерімде
Менен артық ғашық та бар дегенге!

Ғашықтықтан жүрегім жанды-ау менің,
Көңіл құсын қондыршы самғау белім!
Асық қылған бір жаққа, Ғашық қылған
Аялдай тұр, Көктемім - Ән дәуренім!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады