Қыдырәлі Болманов тоқал алу туралы әңгімені не үшін қозғағанын айтты

Қыдырәлі Болманов тоқал алу туралы әңгімені не үшін қозғағанын айтты

Қыдырәлі Болманов тоқал туралы әңгімені халықтың назарын көктемде елде орын алған жер дауынан ойыстыру үшін ойлап тапқанын айтты деп хабарлайды nur.kz.

Қарақаттың «күйеуіме тоқал сыйлаймын» деген мәлімдемесі таза маркетингтік қадам екенін белгілі продюсердің Время газетіне берген сұхбатынан белгілі болды.

«Қарақаттың маған тоқал сыйлаймын дегені - менің шарасыздықтан ойлап тапқан маркетингтік қадамым. Мен мұндайға бірінші рет барып отырмын. Тәуекел еттім. Өйткені маған сол кезде елімізде қызу талқыланып жатқан тақырыптан халықтың көңілін қалай да басқа нәрсеге аудару керек болды. Ол 19 мамыр еді, еліміз толқып жатқан кез», - дейді Қыдырәлі Болманов.

Тоқал тақырыбын ойлап тапқан продюсер осылайша жұрттың назарын жер мәселесіне қатысты даудан аудармақ болған.

«Мен арнайы Астанадан Алматыға ұшып келіп, осы туралы ағаларыммен, бауырларыммен, әріптестеріммен ақылдастым. Сол уақытта адамдар менен: «Алаңға шықсақ қалай болады?», - деп сұрап жатты. Маған қиын болды. Қарақат қана менің шарасыздықтан көзіме жас алғанымды көрді. Ұйықтай алмадым. Таңертең маған бір ой келді», - деп әңгімесін жалғастырды ол.

Қыдырәлі Болманов жары Қарақатқа желідегі парақшасына тоқал туралы жазба қалдыруын өзі өтініпті.

«Басында оңай болмайды бізге. Бірақ оны да көтереміз», - деп Қарақатты көндірдім. Сөйтіп жастар алаңға шықпады. Біз міндетімізді орындап шықтық. Әлеуметтік желіде барлығы тоқал тақырыбын талқылап кетті», - дейді Болманов.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады