👈 қаріп өлшемі 👉

Шымкенттік әйел күйеуіне бала туып беретін жас тоқал іздеп жүр

Шымкенттік әйел күйеуіне бала туып беретін жас тоқал іздеп жүр

Сегіз жыл бойы бала көтере алмаған шымкенттік әйел күйеуіне бала тауып беретін, тоқал болуға келісетін тәрбиелі қыз іздеп жүр деп хабарлайды NUR.KZ, Замана басылымына сілтеме жасап.

«Мен күйеуіме тоқал іздеп жүрмін. 21 – 27 жас аралығындағы, қазақы тәрбие алған, ата-енені сыйлай білетін, асты дәмді пісіретін, мінезі сабырлы, салмақты қыз керек. Күйеуімді биылдан қалдырмай үйлендіруіміз керек», - дейді Жанна.

Жанна бұндай шешімінің себебін де ашып айтты.

"Ербол екеуміздің үйленгенімізге сегіз жыл болды. Аллаға шүкір, бақыттымыз. Бір-бірімізге деген сый-құрметімізді білесің, көріп те жүрсің. Бірақ мен оған бала туып бере алмаймын. Себебі денсаулығым жарамайды, бірнеше рет операцияда болғанмын. Жатыр түтікшелерін алып тастаған. Ал Ерболдың жасы 30-ға таяп қалды. Оның да ұрпақ сүйіп, балалы болуға құқы бар. Өзі бұл жайлы ауыз ашып, ләм деп көрген емес. Дегенмен уақыт өткен сайын мен қиналып бара жатырмын. Өйткені қатарларының алды сүндет той жасап, қуаныштарын атап өтіп жатыр, Ербол да ұрпақ сүйіп, баласының маңдайынан иіскеп, тәтті қылығына сүйсініп отырса жараспай ма деген ой менің жанымды жеп бара жатыр.

Бізде бәрі бар. Баспана да, көлік те, шағын бизнес те. Тек бала жоқ. Жасанды ұрықтандыру жолымен болса да босанып алар едім, оған жасым өтіп кеткен. Денсаулығым да жарамайды", - деген әйел күйеуіннің екінші әйел, бала жайлы сөз қозғамайтын айтатады.

"Ол үндемеген сайын менің жаным ауырып барады. Ақыры шыдай алмай, бір күні оған: «Анаң болса қартайды. Оған күтім жасап, киімін жуып, дәмді асын әзірлейтін келін керек. Өзіңнің бала сүйіп, тәрбиелейтін, әке болатын уақытың келді. Менің саған еш ренішім жоқ. Көңіліңдегі, ойыңдағы адамың болса, жолың ашық. Мен кедергі болмаймын», – деп ашық айттым дейді кейіпкер.

Кейін Ербол жарына «Өзіңе сырлас дос әрі сіңлі, анама келін, маған жар, ал балама ана болар адамды өзің тап», – деп кесіп айтқан.

"Біз осы бәтуаға тоқталдық. Құда түсіп, қалыңмалын төлеп, сырға салып алып кетеміз. Беташарын да жасаймыз. Тұрмысымызды білесің, таршылық көрмейді. Астында көлік, басында бар жағдайы жасалған баспана болады. Анамызды сыйлап, асын беріп отырса, Ерболды ерім деп құрметтеп, алдынан кесіп өтпесе екен дейміз. Түсінігі бар қыз болса тіл табысып кетеміз деп сенемін. Ол да азаматының бәйбішесі барын мойындауы тиіс. Бар қоятын талабымыз осы. Бала тәрбиесіне өзім көмектесемін, бесігін тербетіп, өзіне сырлас әпке болуға әзірмін", – дейді Жанна.

Осылай деген Жанна күйеуіне жар болар лайықты адам табылса, беташарды көпке ұзатпай, қазан айының ортасына дейін өткізгісі келетінін де ескертті.

Кейінірек оқу үшін сақтап қойыңыз:


Қарап көріңіз 👇



Жаңалықтар:
» Әнші Роза Әлқожа қызына су жаңа көлік сыйлады (видео) 16.09.2022
» Қазақстанда еңбекке қабілетті 9 млн адам тегін курстардан өте алады 16.09.2022
» 2023 жылдан бастап жұмыстан шығып қалғандарға төленетін жәрдемақы өседі 08.09.2022

Пікір жазу

Пікірлер 1

  1. . . . . . . . ******
    . . . . . . . ****** 11.08.2017 15:49
    0 + 0 -
    өз ойым сонда бұл Жанна үлкен жастағы әйел болғаны ма?күйеуіне эко арқылы бала тауып беретін жастан өткем деп отыр,енесіне қарай алмаса түсінбедім...


Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы