Өлеңдер ✍️

Мөлдіреген көзің
Жанымды алды баурап,
Сүйем деген сөзің
Кеудемде жанды лаулап.
Саған деген сезім
Жанымды өртеп барад,от болып.
От бердің сөнбестей
Жалынды бағыма,
Қарайсың көрместей
Қиналып тарыла.
Кеттің-ау келместей
Дерт салып жаныма, жоқ болып.
Сені ойша құшып
Аймалаймын, жаным.
Сезім оты өшіп,
Сөнгені ме бағым?
Кетті бу боп ұшып
Махаббатым-әнім бұлт болып.
Қайырмасы:
Біз екеуіміз әнбіз,
Қосылмаған жанбыз.
Қос жүректен қалған,
Өшпесе екен мәңгі із.