Өлеңдер ✍️

Көміліп көне жоспар жаңалық тұр,
Жайылып, жаз гүліндей жайқалып тұр.
Жарығы жер жүзіне жетіп тұрған,
Сталин ортаңа ілім орнаған нұр.
Әр сөзі оның айтқан аңлағанда,
Сияқты шаттығыңа шашылған дүр.
Қазына қай уақытта қылуыңа,
"Құлдық" деп құрметіңе, құшақтай бүр.
"Жаса!" деп ұзағынан үлкен, кішің,
Қуанып қолдарыңды шапаттай ұр.
Біз түгіл: "Болыңды, - деп, - бостаншылық",
Бәрі де мақұлықаттың мәз болып жүр.
Арнаған әр ақынның бар сөздері,
Секілді съезд үшін сақтаған сүр.
Өзімнің аз да болса сыйлығым бұл,
"Болмас, - деп, - қалайда да қалуға құр!"
1918.