Өлеңдер ✍️

(1999 жылы жазылған «Қожабақы боздақтары» әнінің өлеңінен)

Сұрапыл соғыс бұзды да
Тыныштық бейбіт ақ таңды.
Қожабақының төрінен
Азамат жауға аттанды.

Сезбейсің сырғып санаңда
Уақыт жылжып озғанын.
Іздей ме ұрпақ бүгінгі
Қожабақылық боздағын.

Шығарып салып жан жары,
Көз жасы қалды төгіле.
Боздақтар қанша қайтпады
Қожабақының төріне.

Сезбейсің сырғып санаңда
Уақыт жылжып озғанын.
Іздей ме ұрпақ бүгінгі
Қожабақылық боздағын.

Боздақтар қосқан үлесін
Жеңіспен бірге келді леп.
Сұрапыл отты көргендер –
Қатары қапты селдіреп.

Сезбейсің сырғып санаңда
Уақыт жылжып озғанын.
Іздей ме ұрпақ бүгінгі
Қожабақылық боздағын.