Сұрақ: Әйел кісі етеккірі келгенде намазды тоқтатады және етеккірден тазарғаннан кейін намаздың қазасын өтемейді деп естіп едім. Осы жағдай оразаға да қатысты ма?

Жауап: Рас, әйел кісі етеккірдің себебімен намазын оқымайды және оның қазасын да өтемейді. Себебі, намаз тәулігіне бес уақыт. Ал етеккір жағдайы 3 күннен 10 күнге дейінгі аралыққа созылады. Әрі бұл әр ай сайын қайталанатын жағдай. Сондықтан бес уақыт намаздың қазасын өтеу қиынға соғады. Бұл да Ислам дінінің әйел баласына жасаған жеңілдігі. Ал ораза олай емес. Рамазан айында етеккір келу себебімен тұтпаған оразасының қазасын кейін өтеуі тиіс. Себебі, ораза жылына бір рет қана орындалатын парыз құлшылық және қазасын кез-келген уақытта арасын үзбей ұстауға, не бөліп ұстауына да рұқсат етіледі.