Өлеңдер ✍️

Сәлем бермеу... Сәлем алмау...
Ерегес...
Өмір мәнін түсінеміз неге кеш?
Мен кінәлі секілді ғып қарайсың?
Сағынышты Күз әкелді, мен емес.
Ала құйын бастайтындай төбелес
Сұр аспан ғой қалш-қалш еткен,
сен емес.
Құшақ-құшақ күрсінісі болмаса,
Махаббаттың беретіні көп емес.
Жүрек деген ерімейтін мұз емес.
Бізді айырған сен айтқандай Күз емес.
Сағыныштан өлген жан жоқ, бар болса,
Тотықұстар шығар, бәлкім, біз емес.