Өлеңдер ✍️

Ар-ожданын ту етіп, таза сақтар,
Өр намыстан өрілген азамат бар.
Ел жүрегін жаулайды нағыз адам,
Мыңнан тұлпар туылған қазанаттар.
Әруақты ердің қастерлеп қасиетін,
Қалың ел боп қолдады өсиетін,
Қара белдік тағынған Мұстафаның,
Рухына тәуетіп, бас иемін!
Жазық жайлау пейілің, жаның жасын,
Жауға бермес қаны бір қарындасын.
Түркі елінде туылған жан бауырым,
Күллі Тұран елінің жадындасың.
Мүсінің тау, саусағың шойын-батпан,
Жарысқанда озасың дәйім топтан,
Өз бауырым, Мұстафа Өзтүрігім,
Қазақ-түрік бірлігін мойындатқан.
Бір тойлап анаң отыр арамызда,
Әз-анаң куәгер-ау бар аңызға!
Өзіңдей болсақ деген арманы бар,
Жәудіреп қарағыштап бала, қызға.
Ана-жан, құтты болсын салтанатың!
Әуелеп, қаға берсін ән қанатын.
Ұқсаған Мұстафаға жастар өссін,
Өзтүрік мектебінде таң қалатын.