Жәндіктер туралы жұмбақтар


Иісшіл - ит емес,
Ұшады -құс емес.
Шыбын

Бар жұмысы ермегі.
Талмай қанат қағады.
Еңбекті қош көрмейді,
Жат ыдысты бағады.
Шыбын

Қыс кезінде ұйықтап жатар,
Жаз мезгілі думан ашар.
Шыбын

Қарабай аттан жығылды,
Халық соған жиылды.
Түкірікке жиылған шыбын


ұлу туралы жұмбақ, Шыбын туралы жұмбақ, шыбын туралы жумбак, маса туралы жұмбақ, шегіртке туралы жұмбақ, көбелек туралы жұмбақ, инелік туралы жұмбақ, қара құрт туралы жұмбақ, бұзаубас туралы жұмбақ, қоңыз туралы жұмбақ, кене туралы жұмбақ, өрмекші туралы жұмбақ, құмырсқа туралы жұмбақ, шаян туралы жұмбақ, бит туралы жұмбақ, ара туралы жұмбақ, Загадки на казахском языке насекомые Қазақша Жұмбақ жәндіктер, жәндіктер туралы жұмбақтар, жәндіктер туралы жұмбақ, Загадки на казахском языке насекомые, жандик туралы казакша жумбак


Аспанда ақ сары құс шу салады,
Жабысып тақыр жерден су алады.
Адамнан су алған тым өзгеше
Дуылдатып денеңе у салады.
Безгек масасы

Бар екен бір мақұлық ұннан майда,
Өз басын айдайды екен қиын жайға,
Ұстасақ үгітіліп жоғалады,
Дамылдап отырмайды ешбір жайға.
Көбелек

Гүл ұшып гүлге қонады,
Гүл бақшам гүлге толады.
Көбелек

Шидім, шидім, шидім құс,
Ши басына қонған құс.
Қарқаралы қара құс,
Хан басына қонған құс.
Шыбын

Өзім үшін сені ұрам,
Сен үшін өзімді ұрам,
Сен үшін өзімді ұрсам-
Ағады менің қаным,
Жарылады сенің қарның.
Маса

Бір құс бар ұшып жүріп ән салады,
Әркімге қонақ болып бір барады.
Барлығы мақұлықтың ығыр болып,
Дауысын естігендер зар қағады.
Маса

Ат басты,
Арқар мүйізді,
Бөрі кеуделі,
Бөкен санды,
Қос қанатты,
Құмырсқа ізді,
Бота тірсекті.
Шегіртке

Бар еді бір жұмбағым жүрген сайда,
Қолында қылышы жоқ, екі найза.
Қарынды екі найза болғанменен
Қылыш пен ай балтадай болмақ қайда.
Бұзаубас

Біз жаздық аулым қонған текшесіне,
Етіктің жез қақтырдым өкшесіне.
Айуанда төрт аяқты бір нәрсе бар,
Бөренесін байлаған бөксесіне.
Инелік

Ана таудың басында ұйыған қатық,
Ол қатықты көрмейді дәмін тартып,
Дәмін татқан қалады сеспей қатып.
Қара құрт

Бір мақұлық айдалада қорған салған,
Азапты ажалдымен соған барған.
Мен емес бұл жұмысты айтып жүрген,
Бұрынғы азамат ер содан қалған.
Қара құрт

Ғажайып бір нәрсе бар қатқан тері,
Өзінің қалың тоғай жатқан жері.
Бір күні аштан өлмей, тоқтан өлер,
Жігіттің мұны табар кемеңгері.
Түйе кене

Қарайып ұшты қарғадай,
Бармаған жері қалмады-ай.
Жерге түсті, ін қазды,
Аяғымен тырмалай.
Қоңыз

Кішкене ғана түйме тас,
Атан түйе тарта алмас.
Кене

Аспаннан ұшып түсті жатқан тері,
Қалың тоғай ну жыныс жатқан жері.
Кене

Ұзын-ұзын ұзардай,
Ұзыннан аққан сулардай.
Ағаш атқа мінгізіп,
Ұзартып қойған мұнардай.
Өрмекші

Екі басы жұдырықтай,
Ортасы қылдырықтай.
Құмырсқа

Қатар-қатар қара нар,
Аспанменен бара бар,
Алды биік, арты жар.
Құмырсқа

Тыру-тыру тырналар,
Тауға қарай жорғалар.
Ара

Бір мақұлық мойны жуан, тірсегі ұзын,
Тікпесе өзі етік, сақтар бізін.
Тағы да іске ыңғайлы қайшысы бар,
Іс тігіп көрген де емес еш қызығын.
Шаян

Бір мақұлық келе жатыр маң-маң басып,
Құтылмас көзге түссе жолдан қашып.
Бұл жерде оны табар еш адам жоқ,
Таппаса үлкен молда кітап ашып.
Бит

Алпыс тісті айдаһар,
Ешқайда қадам баспайды.
Қозғамасаң жатады,
Ештеңеден саспайды.
Ағаштан тамақ жейді екен,
Жұтпай шайнап тастайды.
Ара

Домалақ таудың басында
Тоқты қошқар ойнайды.
Бит

Кішкене ғана бойы бар,
Адам жейтін ойы бар.
Бит, бүрге

Бекінген бір тау теке тұшалау үйге,
Құдайым оны салды мұндай күйге.
Күн шықса жатады салқын үйде,
Күн жауғанда кетеді жапан түзге.
Ұлу


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады
Пікір жазу
Пікірлер 4
  1. Бұршақ
    Бұршақ 09.01.2023 16:46
    6 + 6 -
    Бұршақ
    1. Қайнар
      Қайнар 03.02.2024 00:26
      0 + 1 -
      Қатар қатар тас қоидым желен аты бос қоидым
  2. Дос
    Дос 05.12.2021 18:56
    10 + 5 -
    Салам менің атым дос
    1. Оқырман Айгүл
      Оқырман Айгүл 02.03.2024 18:22
      0 + 0 -
      Дос баланың суретін қойма, көз тиеді ғо