1.Қазақ тілі_3- сынып_7-бөлім_ Су- тіршілік көзі__ Мұраттың бастауы_1-сабақ_ КМЖ

Пән: Қазақ тілі

Бөлімі: Су- тіршілік көзі

Сабақ тақырыбы: Мұраттың бастауы

Мектеп:

Күні:

Мұғалімнің аты-жөні: Калимова Замард Бекишовна

Сынып: 3

Қатысқандар саны:

Қатыспағандар саны:

Оқу мақсаты:

3.2.3.1 мәтін мазмұны бойынша пікір білдіруге бағытталған сұрақтар құрастыру және жауап беру;

3.2.2.1тура және ауыспалы мағыналы сөздердің мағынасын ажырата білу,сөйлеу барысында қолдану;

3.3.5.1 жіберілген пунктуациялық, орфографиялық, грамматикалық және стилистикалық қателерді мұғалімнің көмегімен тауып, түзету;

Сабақтың

мақсаты:

Бағалау критерийлері

- тура және ауыспалы мағыналы сөздердің мағынасын ажыратады, сөйлеу барысында қолданады;

- мәтін мазмұны бойынша пікір білдіруге бағытталған сұрақтарды құрастыра алады, жауап береді;

- жіберілген пунктуациялық, орфографиялық, грамматикалық және стилистикалық қателерді мұғалімнің көмегімен табады, түзетеді.

Тірек сөздер

Пәндік терминология мен тірек сөздер

Тура және ауыспалы мағыналы сөздер

Сабақта диалог /жазу үшін пайдаланылатын тіл:

Талқылау үшін сұрақтар:

- Мәтін не себепті «Мұраттың бастауы» деп аталған?

-Бұл мәтінге тағы қандай ат қояр едің?

-Неліктен бастаудың суы салқын әрі мөлдір болады?

- Бастау сөзін қандай сөзбен алмастыруға болады?

Құндылықтар

Судың табиғаттағы және адам өміріндегі маңызы туралы түсінік қалыптастыру

Пәнаралық байланыс

әдебиеттік оқу, дүниетану

Алдыңғы меңгерілген білім

Сөз таптары

Сабақ барысы

Жоспарланған іс-әрекет

І. Ұйымдастыру кезеңі.

Оқушылар шеңбер жасап тұрады.

«Иә, жоқ»

• Су мөлдір (иә)
• Сусыз өмір жоқ (иә)
• Сусыз тазалық болады (жоқ)
• Су- біздің байлығымыз ( иә)
• Сусыз да тамақ піседі ( жоқ)
• Су айналыста болады (иә)
• Судың дәмі бар (жоқ)
• Су табиғатта үш күйде кездеседі (иә)
• Ауада да су болады (иә)

Сұрақтарға оқушылар жылдам жауап береді.

ІІ.Сабақ тақырыбы және оқу мақсаттары таныстырылады. Оқушыларға бағалау критерийі айтылады.

ІІІ. Негізгі бөлім

3.2.3.1, 3.2.2.1 (МК; Ө; Ұ)

Мәтінді тыңдау.Тура және ауыспалы мағыналы сөздерді анықтау.

Мұраттың бастауы

Көктем кезі болатын. Ауыл сыртындағы сайдан алаң жасап алғанбыз. Қолымыз босай қалса, сонда барып ойнаймыз. Біздің алаңның арғы жағында, кішкене жартастың түбінде, шоқ құрақ өсіп тұрған. Бірде соның жанына барып, демалып отырдық

- Бұрын осы жерде қайнар болған дейді атам. Әне, жер дымданып жатыр. Қазып көрсе қайтеді? Мүмкін су шығар, - деді Мұрат деген бала біздің әрқайсысымызға шола қарап.

Әркім өзінше оның сөзін күлкіге айналдырып жіберді.

- Мейлі, өздеріңе жөн болса, күле беріңдер,- деп, Мұрат өкпелеген қалпы кетіп қалды.

Біз қайтадан ойынға кіріскенбіз.

- Мұрат келе жатыр, - деп, бір бала дауыстап жіберді.

Жалт қарастық. Шынында, Мұрат келе жатыр екен. Қолында күрегі, жанына кішкене балаларды ерткен. Ол келген бетте әлгі шоқ құрақтың астыңғы жағындағы ойпаң жерді қаза бастады. Кішкене балаларда да көмектесіп жатыр. Екі-үш күрек бойы қазғанда су шығып, бүлкілдеп аға бастады. Әп-сәтте ойық толып, суы мөлдіреп тұнды.

Бағанадан бері оны күлкіге айналдырған бізде үн жоқ. Состиып-состиып тұрмыз. Мұрат – жарқын жүзді, ішіне кек сақтамайтын бала. Біздің әрқайсысымызға тісін ақсита, күле қарап:

• Не тұрсыңдар, бастаудың мөлдір суынан ішіңдер, - деді.

Өзіміз де жүгіре-жүгіре қатты шөлдегенбіз. Тұнық, мөлдіреп шығып жатқан тап-тастай бастау суын қос уыстай іліп алып, ішіп жатырмыз. Шекеңнен өтетін салқын су, қандай тамаша десеңші!

Нағашыбек Қапалбеков

3.2.2.1 (МК, Ө) Көркем жазу.

Сс Сс Сс

Су- тіршілік көзі

• Сөйлемдерді қатесіз көшіріп жазады.

Қолымыз босай қалса, сонда барып ойнаймыз.

Қолында күрегі, жанына кішкене балаларды ерткен.

Не тұрсыңдар, бастаудың мөлдір суынан ішіңдер, - деді.

Екі-үш күрек бойы қазғанда су шығып, бүлкілдеп аға бастады.

• Қарамен берілген қолымыз, бастау сөзінің екі мағынада қолданылып тұрғанын дәлелдейді.

Жұпта жазба жұмысын тексеруді ұйымдастыру.«Қолымыз босай қалса, сонда барып ойнаймыз», «Не тұрсыңдар, бастаудың мөлдір суынан ішіңдер, - деді.» сөйлеміндегі «қолымыз», «бастау» сөзінің ауыспалы мағынада, «Қолында күрегі, жанына кішкене балаларды ерткен», «Екі-үш күрек бойы қазғанда су шығып, бүлкілдеп аға бастады» сөйлеміндегі «қолында» , «бастады» сөзінің тура мағынада тұрғанын топта дәлелдейді. Өзара бағаланады.

Дескриптор:

• сөздердің тура және ауыспалы мағыналарын ажыратады;
• оларды дәлелдемелер арқылы түсіндіреді;
• сөйлеу барысында қолдана алады;
• қатесіз көшіріп жазады;

3.2.3.1 мәтін мазмұны бойынша пікір білдіруге бағытталған сұрақтар құрастыру және жауап беру;

«Қағаздағы сұрақтар» әдісі арқылы алдымен бірінші топ мәтін мазмұны бойынша сұрақтар құрастырады,сұрақтарды жазып, қалташаға салады. Араластырылған сұрақтар еркін түрде қатысушыларға таратылып беріледі. Екінші топ сұраққа жауап береді. Ары қарай, екінші топ оқушылары бірінші топтың қойған сұрақтарына жүйелі, толық жауап береді. Мұғалім оқушыларға бағыт беріп тұрады.

1 2 2 1 3 4 4 3

Ықтимал жауаптар:

- Мәтін не себепті «Мұраттың бастауы» деп аталған?

-Бұл мәтінге тағы қандай ат қояр едің?

-Неліктен бастаудың суы салқын әрі мөлдір болады?

- Бастау сөзін қандай сөзбен алмастыруға болады? Т.б

«Екі жұлдыз, бір тілек» стратегиясы арқылы бір-бірінің жұмысын бағалайды. Орындаған жұмыстарының екі жақсы жағы мен бір кемшілігіне ұсыныс білдіру арқылы өз іс-әрекеттеріне кері байланыс жасайды.

Дескриптор:

• мәтін мазмұны бойынша бір-біріне сұрақ қояды;
• мәтіндегі сұрақтарға жауап береді;
• сөз мағынасын ажыратады;

Сергіту сәті.

Сәттілік біздер тілейік.

Мен саған, сен маған,

Күндей күліп жүрейік.

Күннің нұрын төгейік,

Мен саған, сен маған.

3.2.2.1(Ө; Ж ) Шығармашылық үзіліс. Саралау

«Ойлан, тап!»

Тура және ауыспалы мағыналы сөздері бар сөйлемдерді кестеге орналастыру.

І топ

Айдын қой бағып жүр. Дәптерді орнына қой.

Айгүл тәтті алма жеді. Сәби тәтті ұйқыға кетті.

ІІ топ

Ол - өткір мінезді бала. Ет турайтын пышақ өткір екен.

Бүгін мақта туралы оқыдық. Сен Санжарды мақта.

ІІІ топ

Он қабатты үй салынды. Топырақты есіктің алдына үй.

Әжем иненің көзінен жіп өткізді. Балалар көзге жаттығу жасады.

Топ оқушыларына тапсырма үлестіріледі. Сөйлемдегі сөздердің қайсысы қай мағынада екенін топпен ой бөлісе отырып, ажыратады. Не себепті тура және ауыспалы екенін дәлелдеп, сөйлемді кестеге жазады.

«Бас бармақ» арқылы оқушылар бір - бірінің жұмысын бағалайды.

Дескриптор:

• сөздердің тура және ауыспалы мағыналарын ажыратады;
• оларды дәлелдемелер арқылы түсіндіреді;

Рефлексия

Оқушылар сабақтың қалай өткенін және қаншалықты жемісті болғанын СМС арқылы мұғалімге жібереді.

Үй тапсырмасы:

Тура және ауыспалы мағыналы сөзі бар екі сөйлем жазу

Қосымша ақпарат

Саралау

Бағалау – оқушылардың білімдерін қадағалауды қалай жоспарлайсыз?

Пәнаралық байланысденсаулық пен қауіпсіздік

Топтық тапсырмаларды саралау бойынша беру.

Қабілеті жоғары оқушыларға одан әрі дамуы үшін қосымша тапсырмалар беріледі.

Көмек қажет ететін оқушыларға қайта түсіндіру арқылы қолдау көрсетіледі.

Қалыптастырушы бағалаулар дескрипторлар негізінде «Екі жұлдыз, бір тілек» стратегиясы, өзара бағалау, «Бас бармақ» арқылы жүзеге асады.

Топта бірі-бірі тыңдау. Сыныпта қауіпсіздік ережелерін сақтау.

Рефлексия

Сабақ мақсатына жеттім бе?

Оқушылар не үйренді?

Ынтымақтастық атмосферасы орнады ма?

Оқушылар арасындағы дифференциациялау бойынша іс-әрекеттер ұтымды болды ма?

Жоспарланған уақытты ұстандым ба?

Жоспардан қандай шегіністер жасадым және неліктен?

Қорытынды бағалау

Сабақтың ең ұтымды кезеңдері.

1:

2:

Сабақты жақсартуға септігін тигізген екі әдіс.

1:

2:

Келесі сабақты жоспарлауға септігін тигізетіндей осы сабақтан сыныптағы және жеке оқушылар жайлы не білдім?