3 сынып_7-бөлім_ Су- тіршілік көзі__ Тура және ауыспалы мағыналы сөздер_2_сабақ_ КМЖ

Пән: Қазақ тілі

Бөлімі: Су- тіршілік көзі

Сабақ тақырыбы: 2- сабақ

Тура және ауыспалы мағыналы сөздерді пысықтау

Мектеп:

Күні:

Мұғалімнің аты-жөні: Калимова Замард Бекишовна

Сынып: 3

Қатысқандар саны:

Қатыспағандар саны:

Оқу мақсаты:

3.2.4.1.өз бетінше мәтіннің тақырыбын және мұғалімнің қолдауымен негізгі ойды анықтау;

3.2.2.1тура және ауыспалы мағыналы сөздердің мағынасын ажырата білу,сөйлеу барысында қолдану;

3.3.5.1 жіберілген пунктуациялық, орфографиялық, грамматикалық және стилистикалық қателерді мұғалімнің көмегімен тауып, түзету;

Сабақтың

мақсаты:

Бағалау критерийлері

• тура және ауыспалы мағыналы сөздердің мағынасын ажыратады, сөйлеу барысында қолданады;
• мәтіннің тақырыбы мен ондағы негізгі ойды анықтай алады;
• жіберілген пунктуациялық, орфографиялық, грамматикалық және стилистикалық қателерді мұғалімнің көмегімен табады, түзетеді.

Тірек сөздер

Пәндік терминология мен тірек сөздер

Тура және ауыспалы мағыналы сөздер

Сабақта диалог /жазу үшін пайдаланылатын тіл:

Талқылау үшін сұрақтар:

• Мәтін не туралы?
• Балалар қайда келді?
• Мәтіннен қандай ой түйдің?
• Мәтінге қандай тақырып ұсынар едің?
• Мәтіндегі қай сөйлем негізгі ойды білдіреді?

Құндылықтар

Судың адам өміріндегі маңызы туралы түсінік қалыптастыру

Пәнаралық байланыс

әдебиеттік оқу, дүниетану

Алдыңғы меңгерілген білім

Сөз таптары

Сабақ барысы

Жоспарланған іс-әрекет

І. Ұйымдастыру кезеңі.

«Сәлемдесу» ойыны. Бір-біріне жақсы тілектер тілеп, ынтымақтастық атмосферасын құру. «Бастаймыз» деген белгі берілгенде, бір-бірімен тез-тез көзбен, қолмен, иықпен амандасу керек.

«Ашық микрофон» ойыны ойналады.

Оқушылар бір-біріне өткен тақырыптар бойынша сұрақтар қояды. Мысалы, Тура мағыналы және ауыспалы мағыналы сөздерге мысал келтір.

Ықтимал жауаптар: иненің көзі (ауыспалы мағыналы сөз) адамның көзі (тура мағыналы сөз) т.б

ІІ.Сабақ тақырыбы және оқу мақсаттары таныстырылады. Оқушыларға бағалау критерийі айтылады.

ІІІ. Негізгі бөлім

3.2.4.1, 3.2.2.1 (МК; Ө; Ұ)

Мәтінді түсініп оқы. Сұрақтарға жауап бер. Қарамен жазылған сөздерді қалай түсінесің?

Бір топ бала жазғы демалыста тауға серуенге шықты. Олар тау етегіндегі шоқ ағашқа келіп демалды. Осы кезде Мұқан мен Кәкімжан ағаш ішін аралап кетті. Екеуі мөлдір бұлақтың үстінен шықты.

Екі бала бұлақтың бойын қуалай жоғары өрледі. Көп ұзамай- ақ бұлақтың көзін тапты. Олар судың дәмін қайта- қайта татып көріп, тамсана түсіп, біраз отырды. Бұлақтың басына серуендеп жүрген балалар да келді. Судың дәмін бәрі де татып көріп, түрлі – түрлі пікірлер айтты.

Бұл су асқазан ауруын емдейтін шипалы су болып шықты. Шипалы суды ішіп талай адам жазылды.

«Балдырған» журналынан

1.Сұрақтар ілмегі

• Мәтін не туралы?
• Балалар қайда келді?
• Мәтіннен қандай ой түйдің?
• Мәтінге қандай тақырып ұсынар едің?
• Мәтіндегі қай сөйлем негізгі ойды білдіреді?

Қ.Б Шапалақ арқылы бағалау

Бағалау дескрипторы:

• мәтін бойынша сұрақтарға жауап береді;
• мәтіннің негізгі ойын анықтайды;
• мәтінге сәйкес тақырып қояды;

3.2.2.1, 3.3.5.1 (МК, Ж, Ө) Көркем жазу.

Бб Бб Бб Бб Бб

Су анасы - бұлақ, сөз иесі – құлақ

Тапсырма «Ойлан, Жұптас, Пікірлес» әдісі арқылы жүргізіледі.

Мәтіндегі ауыспалы мағынада тұрған сөз тіркестерін кестеге теріп жаз. Сөздердің тура мағынасын кестеге жаз және сөйлем құрастыр.

Ықтимал жауаптар:

Шыңғыстың бойы биыл өсіпті. Көз - көру мүшесі. Айдар басына тақия киді.

Жұпта неліктен ауыспалы, тура мағыналы сөздер екенін дәлелдеп, сөйлемдер құрастырады. Үш – төрт жұп өз пікірлерін сынып алдында қорғайды.

Қ.Б «Екі жұлдыз, бір тілек» стратегиясы арқылы бір-бірінің жұмысын бағалайды. Орындаған жұмыстарының екі жақсы жағы мен бір кемшілігіне ұсыныс білдіру арқылы өз іс-әрекеттеріне кері байланыс жасайды.

Бағалау дескрипторы:

• сөздердің тура және ауыспалы мағыналарын ажыратады;
• оларды дәлелдемелер арқылы түсіндіреді;
• сөйлеу барысында қолдана алады;
• сөйлемді қатесіз құрастырып жазады;

Сергіту сәті.

Сәттілік біздер тілейік.

Мен саған, сен маған,

Күндей күліп жүрейік.

Күннің нұрын төгейік,

Мен саған, сен маған.

3.2.2.1, 3.3.5.1 ( Т, Ж , Ө) Шығармашылық тапсырма. Саралау

Суреттердің әрқайсысын ата. Тура және ауыспалы мағынадағы сөз тіркестерін жаса.

Оқушылар төрт топқа біріктіріледі. Суретті тапсырмалар әр топқа беріледі. Сурет бойынша тура және ауыспалы мағыналы сөзге сөйлем құрастырады. Неліктен ауыспалы, тура мағына екенін дәлелдейді.

Ықтимал жауаптар:

Мақта жылы жақта өседі. Мұғалім Мирасты мақтады.

Бағалау дескрипторы:

• сөздердің тура және ауыспалы мағыналарын ажыратады;
• сөйлеу барысында қолдана алады;
• сөйлемді қатесіз құрастырып жазады;

Тапсырманы орындап болған соң, топ оқушыларынан бір оқушы ортаға шығып, орындаған жұмыстарын дәлелдеп түсіндіреді.

Қ.Б өзара бағалау

Рефлексия

Сабақты қорытындылау.

Оқушылардан кері байланыс алынады.

Үй тапсырмасы: Үш сөйлем құрастырып жазу

Қосымша ақпарат

Саралау

Бағалау – оқушылардың білімдерін қадағалауды қалай жоспарлайсыз?

Пәнаралық байланысденсаулық пен қауіпсіздік

Топтық тапсырмаларды саралау бойынша беру.

Қабілеті жоғары оқушыларға одан әрі дамуы үшін қосымша тапсырмалар беріледі.

Көмек қажет ететін оқушыларға қайта түсіндіру арқылы қолдау көрсетіледі.

Қалыптастырушы бағалаулар дескрипторлар негізінде өзара бағалау, топта бағалау және мұғалімнің бағалауы арқылы жүзеге асырылады.

Топта бірі-бірі тыңдау. Сыныпта қауіпсіздік ережелерін сақтау.

Рефлексия

Сабақ мақсатына жеттім бе?

Оқушылар не үйренді?

Ынтымақтастық атмосферасы орнады ма?

Оқушылар арасындағы дифференциациялау бойынша іс-әрекеттер ұтымды болды ма?

Жоспарланған уақытты ұстандым ба?

Жоспардан қандай шегіністер жасадым және неліктен?

Қорытынды бағалау

Сабақтың ең ұтымды кезеңдері.

1:

2:

Сабақты жақсартуға септігін тигізген екі әдіс.

1:

2:

Келесі сабақты жоспарлауға септігін тигізетіндей осы сабақтан сыныптағы және жеке оқушылар жайлы не білдім?