1. Қазақ тілі _3 сынып_1-бөлім Жанды табиғат_Қаратпа сөздер _ҚМЖ

Пән: Қазақ тілі

Бөлімі: Жанды табиғат

ТАҚЫРЫБЫ: Қаратпа сөздер (Жанды табиғат туралы мәтін құрастырамын тақырыпшасы аясында)

Мектеп:

Күні:

Мұғалімнің аты-жөні: Ршымбетова Гулбану

Сынып: 3

Қатысқандар саны:

Қатыспаған оқушылар:

Оқу мақсаты: (Оқу бағдарламасының ұзақ мерзімді жоспарына сәйкес)

3.1.4.1 тірек сөздер мен жоспарды пайдалана отырып, берілген тақырып бойынша әңгіме құрау

3.2.1.1 тірек сөздер, көмекші сөздер арқылы (әңгімелеу, сипаттау, пайымдау) мәтін түрлерін және құрылымдық бөліктерін анықтау

3.3.7.1* қаратпа, қыстырма сөздерді ажырату және тыныс белгілерін дұрыс қою.

 Сабақтың

 мақсаты

Бағалау

критерийлері

• Тірек сөздер мен жоспарды пайдаланып әңгіме құрай алады;
• Көмекші сөздер арқылы мәтін түрін және құрылымдық бөліктерін анықтай алады;
• Пунктуациялық нормаларды сақтайды, қаратпа сөздерді ажырата алады және тыныс белгілерін дұрыс қоя алады;

 Ғылыми тіл

 Құндылықтар

Табиғатты зерделей білуге, қорғауға тәрбиелеу.

Пәнаралық байланыс

Дүниетану

Алдыңғы меңгерілген білім

Мәтін, мәтін түрлері және оның құрылымдық бөліктері

Сабақ барысы

Оқушылардың жоспарланған іс-әрекеті

Психологиялық ахуал. Шаттық шеңберінде тұрып бір-біріне сәттілік тілеу.

(Ұ) «Сұрақ ілмегі» әдісі бойынша алдыңғы білімді пысықтау.

Пайымдау мәтіні дегеніміз не?

Пайымдау мәтінінің ерекшелігі.

Мұғалімнің сабақ мақсатымен таныстыруы

Бүгінгі сабағымыздың мақсаты: тірек сөздер мен жоспарды пайдаланып әңгіме құрау; көмекші сөздер арқылы мәтін түрін және құрылымдық бөліктерін анықтау, қаратпа сөздердің тыныс белгілерін дұрыс қою.

(МК, Ө) Көркем жазу.

Мақсаты: Оқушылардың көркем жазу дағдыларын дамыту.

(Ө) 1-тапсырма Мәтінмен жұмыс.

«Бірлесіп оқу» стратегиясы

Тыңдалым, айтылым.

• Мәтінді мұқият тыңда.

Нұржан кішкентай ағаштың артық бұтақтарын қия бастады. Байқамай ағаштың қабығымен қоса, діңін кертіп тастады.

• - Балам-ау, мұның не? Ағашты жарақаттадың ғой, енді ол жылайтын болды?

Нұржан қалт тұрып қалды.

• Қалайша ағаш та жылай ма?–деді

таңданып.

• - Әрине, оның да жаны бар, тіршілік

иесі, - деді бағбан.

• Көз жасы қайсы, көрінбейді ғой?
• Оны кез келген адам көре бермейді.

Сендер ағашты аялап өсіріп, жүректеріңмен сезіне білулерің керек, - деді бағбан.

• «Кезбе тілші» әдісі

Мәтін бойынша сұраққа жауап бер.

( Баланы жылдам әрі тұжырымды ойлауға дағдыландыру)

• Мәтін не туралы ?
• Мәтінге қандай ат қоюға болады?
• Мәтіндегі негізгі ойды білдіріп тұрған сөйлемді оқыңдаршы? Сен, не айтар едің?
• Діңі дегенді қалай түсінесің?

(Ж, Ө, Қ) Мәтіннен тірек сөздерді белгіле, қорытынды пікірлерді тап.

Жұбымен ақылдаса отырып, тірек сөздерді белгілейді, қорытынды пікірлерді тауып оқиды.

• Оқушылар тыңдаған мәтіннен тірек сөздерді түртіп алады (Нұржан, ағаштың қабығы, діңі, кертіп тастады, жылайтын болды, бағбан, көз дасы, жүректеріңмен сезіну)
• Неліктен бұл сөздерді тірек сөздер деп ойлайсыңдар?
• Мәтіннің қай түріне жатады?

Бағалау дескрипторы

-мәтін не туралы екенін біледі;

- мәтіндегі негізгі ойды анықтап, мәтінге ат қоя алады;

- тірек сөздерді белгілей алады;

- мәтіннен қорытынды пікірлерді таба алады;

- мәтіннің түрін анықтай алады.

Сергіту сәті: «Көңілді күн»

(Ж, Ө, Қ) 2- тапсырма

Жоспар құрып, жазу.

Қажет болса мәтінді қайта оқиды.

Мәтін бөліктерге бөліп таратылады, мәтіннің басы, негізгі бөлімі, соңын анықтап, кестеге жапсырады. Әр бөлікке ат қояды.

• Нұржанның ағаш бұтағын қиюы.
• Ағаштың көз жасы.
• Бағбанның сөзі.

Бағалау дескрипторы

-мәтін бөліктерін анықтай алады;

-жоспар құрай алады;

Саралау. Қабілетті оқушылар мәтін бөліктерін анықтап, өз бетінше жоспар құрай алады.

(МК,Ұ) 3- тапсырма

Мәтіндегі қарамен жазылған сөздерге назар аударту .

Бұл сөз не үшін қолданылып тұр деп ойлайсың?

Ережемен  жұмыс

    Тілде біреудің назарын аудару үшін қолданылатын сөздер болады. Ондай сөздерді қаратпа сөздер дейді. Ол сөйлемнің басында, ортасында, аяғында келеді.

(Бірнеше мысалдар келтіру. Мысалы:

1. Балалар, сабақтарыңды  оқыңдар.

2. Сабақтарыңды, балалар, оқыңдар.

3. Сабақтарыңды оқыңдар, балалар.)

• 1. Балам-ау, мұның не? Ағашты жарақаттадың ғой, енді ол жылайтын болды?
• 2. Мұның не, балам-ау, ағашты жарақаттадың ғой, енді ол жылайтын болды?
• 3. Мұның не? Ағашты жарақаттадың ғой, енді ол жылайтын болды ғой, балам-ау?

МК: Балам-ау деген сөздің орнын құлыным-ау, Нұржан-ау, күнім-ау т.с.с. сөздермен ауыстырып айтуға болады.

• Кәне, айтып көрейікші? Құлыным-ау, мұның не? Ағашты жарақаттадың ғой, енді ол жылайтын болды?

4- тапсырма (МК, Ө, Т, Қ) Суретпен жұмыс.

Жоспар мен суреттердің көмегімен «Жанды табиғат өлі табиғатқа айналуы мүмкін» тақырыбында әңгіме құрау.

Жоспарды толықтыр.

• Жанды табиғаттың өлу себептері.

• Құраған әңгіме мәтіннің қай түріне жатады деп ойлайсыңдар? Неліктен?

Бағалау дескрипторы

• сурет бойынша әңгіме құрай алады;
• жоспар бойынша әңгімелей алады;
• жоспарды толықтыра алады;
• мәтін түрін анықтап, ойын дәлелдей алады;

Саралау.

• Қабілетті оқушылар өз бетінше суретті пайдаланып жоспар құрайды, жоспар бойынша әңгімелей алады.
• Қолдауды қажетететін оқушыларға сурет бойынша алдын ала тірек сөздер жазылған кеспе қағаздар таратылады. (Жоспарды жалғастыру үшін жетелеуші сұрақтар қоюға болады қажет еткен жағдайда)

5 -тапсырма Жазылым.

(Ж, Ө, Қ) Сөйлемді жетілдір.

(сөз қосу, тыңдаушыға бағыттау, эмоция қосу), тыныс белгілерін қою, шашыраңқы берілген сөздерден сөйлем құрау)

Сөйлемді қаратпа сөздермен толықтыру.

• Жіберші, маған, көмектесіп.
• Ертегі, маған, айтып беріңізші.
• Өте, ертегі, айтыңызшы, көп.

4. Саяхатқа, сенбі күні, шығыңдар.

«Дұрыс-бұрыс» әдісі арқылы жазған жұмыстарын өзара тексереді.

• Сөйлемде қаратпа сөздерді қолданғаны дұрыс па?
• Тыныс белгілерін қойғаны дұрыс па?
• Қате кездеседі ме?

Өзара кері байланыс 2 жұлдыз, 1 тілек.

Саралау.

Қолдауды қажет ететін оқушыларға көмек көрсету (ережені қайталап, мысал келтіру.).

Бағалау дескрипторы

-қаратпа сөздерге сөйлем құрастыра алады;

- тыныс белгілерін қоя алады;

РЕФЛЕКСИЯ

(Ұ) «Менің сөзім» әдісі

Мақсаты: оқушылардың сабақта алған білім, білігін бағалау.

Үйге тапсырма: қаратпа сөзге 3 сөйлемнен құрастырып жазып келу.

Қосымша ақпарат

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау - оқушылардың материалды меңгеру деңгейін қалай тексеруді жоспарлайсыз?

Денсаулық пен қауіпсіздік техникасының сақталуы

Тапсырмаларды дифференциация бойынша беремін.

Белсенділігіне, ойлауына, қызығушылығына, икемділігіне қарай қолдау көрсетемін. Қолдауды қажет ететін оқушыларға көмек көрсету.

Қабілеті жоғары оқушылар Жеке жұмыста өз бетінше мәтін бөліктерін анықтап, жоспар құрайды.

- Барлық оқушылар бір тапсырманы орындаса да олардың нәтижелері әртүрлі болады.

Қалыптастырушы бағалау дескриторлары негізінде бағалаймын.

қаратпа сөздерге сөйлем құрастыра алады;

- тыныс белгілерін қоя алады;

«Сұрақ ілмегі» әдісі

«Кезбе тілші» әдісі

«Дұрыс-бұрыс» әдісі

«Менің сөзім» әдісі

Сыныпта бір-бірін тыңдау.

Қауіпсіздік ережелерін сақтау.

Сергіту сәті

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?