Құрылымы күрделі теңдеулерді шешу. Математика, 3 сынып, сабақ жоспары.

Бөлімі: Кестеден тыс көбейту және бөлу

№ 100 сабақ. Тақырыбы: Құрылымы күрделі теңдеулерді шешу

Мектеп:

Күні:

Мұғалімнің аты-жөні:

Айдаболова Қаракөз Батырхановна

Сынып:

Қатыспаған оқушылар:

Оқу мақсаты:

3.2.2.2.көбейту мен бөлуге берілген құрылымы күрделі х∙ (25:5)=60; (24∙3):х=6; х: (17∙2)=2; k+124:4=465 түріндегі теңдеулерді шешу.

3.5.1.1 2-3 амалмен орындалатын есепті кесте, сызықтық/бағандық диаграмма, сызба, қысқаша жазба түрінде модельдеу

Сабақтың

мақсаты:

Бағалау критерийлері

Құрылымы күрделірек теңдеулерді шешуді түсіндіріп

бере алады.

Ғылыми тіл

Құндылықтар

Жұппен және топпен жұмыс үстінде ұйымшылдыққа, өзара көмек беруге дағдыландыру.

Пәнаралық байланыс

Тапқырлыққа арналған тапсырмада логикамен байланысады.

АКТ қолдану дағдылары

Тапсырмалар бойынша нұсқаулар АКТ арқылы көрсетіледі.

Алдыңғы меңгерілген білім

Теңдеулердің жаңа түрлерін шешу

Сабақ барысы

Оқушылардың жоспарланған іс-әрекеті

Психологиялық дайындық

Күндей жарқырап,

Айдай арайлап,

Жұлдыздай жарқырап

Судай таза көңілмен сабағымызды бастайық.

Кіріспе тапсырма

Суретті жұмбақ

(Ұ.Ж.) Оқушылар суретті жұмбақтың шешуін табады.

ң

• Шешуі теңдеу
• Теңдеу дегеніміз не? (теңдеу – құрамындағы белгісіз айны-малының мәнін табу қажет болатын теңдік).
• Теңдеуді шешу дегеніміз не? (теңдеуді шешу дегеніміз – теңдік дұрыс болатындай белгісіздің сандық мәнін табу).
• Математикада: теңдеуді шешу – теңдеудің түбірін табу деген сөз.
• Енді (24+d) : 8 = 7 теңдеуін былай шешеміз: Амалдардың орындалу тәртібін анықтап аламыз. Соңғы амалды анықтап алу.
• Соңғы амал — бөлу.

Демек, әріпті 24+d өрнегі — бөлінгіш,

8 — бұл бөлгіш,

7 — бөлінді.

2. Бөлінгіш белгісіз — 24+d.

Бөлінгішті табу үшін бөліндінің мәнін бөлгішке көбейтеміз.

Шыққан теңдеуді жаз:

24+d = 7 ∙ 8

3. Теңдеудің оң жағын ықшамдаймыз.

24+d = 56

4. Енді екінші қосылғыш белгісіз. Екінші қосылғышты табу үшін қосындының мәнінен бірінші қосылғышты азайтамыз.

х = 56 -24

х = 32

Теңдеуді шеш

(Т.Ж) Оқушыларға топтық жұмысқа арналған тапсырма беру.

Оқушылар теңдеуді алгоритм бойынша шешеді және ламинатталған параққа жазады. Топтар бір – бірінің жұмысын тексереді.

Тапсырма:

1-топ

(у-5)·4=28 3 ·а-7=14

2-топ

с:5+8=17 63:(14-х)=7

3-топ

32-16:у=30 (30-с):2=9

4-топ

3·(6+а)=45 7·х-15=6

«Бағдаршам» түстері арқылы бағалау

Ойлан-жұптас-бөліс

(Ж.Ж) Оқушыларға жұптық жұмысқа арналған тапсырма таратып беру.

Оқушылар тапсырманы жеке орындайды. Сосын жұп болып пікірлерімен бөліседі. Содан кейін топта талқылайды.

Тапсырма:

а) 4 пен х-тің қосындысын 8-ге бөлгенде 9 шығады.

ә) 35пен у-тің бөліндісіне 6-ны қосқанда 11 шықты.

б) у пен 3-тің айырмасын5-ке бөлгенде 30 шықты.

«Смайлик» арқылы бағалау жүргізу

Есепті шығар

(Т.Ж) Оқушыларға топтық жұмысқа арналған тапсырма таратып беру.

Оқушылар есепті оқып, талдайды. Есепті теңдеу құрады, түбірін табады.

Топтар арасында өзара тексеру жүргізу.

Тапсырма:

Назгүл алғашқы 4 тонға 5 түймеден, қалғанына 7 түймеден, барлығы 62 түйме қадады. 7 түймеден қадалған тондар нешеу?

«Бағдаршам» түстері арқылы бағалау жүргізу

Ойлан, тап

(ЖЖ)Оқушылар тапсырманы жеке орындайды. Дайын жауап арқылы өзін –өзі тексереді.

Тапсырма:

Нәтижесі 15-ке тең болатын теңдеуді жаз. Шешуін тап.

а) х пен 25 санының қосындысы және 8 бен 5 санының көбейтіндісі;

ә) с және 30-дың бөліндісі мен 75 санының айырмасына тең.

«Басбармақ» арқылы бағалау жүргізу

Рефлексия

«Таңдау» әдісі

Таратпа қағаз таратып беру. Оқушылар өздерінің сабаққа қатысу деңгейі мен сабаққа деген ынтасын білдіретін сөйлемдердің бірінің тұсына « +» белгісін қоюды тапсыру.

1. Мен сабақ қызықты _____________ қызықсыз болды деп ойлаймын.

2. Мен сабақта: үйрендім көп нәрсені _____________ үйренгенім аз болды.

3. Мен басқаларды мұқият ______________ зейінсіз тыңдадым.

4. Мен сабақтағы өз жетістіктеріме ризамын ____________ риза емеспін.