Негізгі тактикалық тәсілдерді үйрету. Дене шынықтыру, 5 сынып, сабақ жоспары. 7 сабақ.

1-бөлім: Өзгертілген командалық ойын

Мектеп: Орал қаласындағы ФМБ НЗМ

Күні:

Мұғалімнің аты-жөні: Исмагулов А.А.

Сыныбы: 5 сынып

Қатыспағаны:

Сабақтың тақырыбы:

Негізгі тактикалық тәсілдерді үйрету

Меңгеру мақсаттары:

5.1.5.5 Аздаған ауқымдағы дене жаттығуларының тактикасын, стратегиясын және құрылымдық идеяларын білу және сипаттау

Оқу бағдарламасына сілтеме:

1.5 Бірқатар дене жаттығуларының тактикаларын, стратегиялары мен құрылымдық идеяларын қолдану және бағалау

 Сабақ мақсаттары:

1. Оқушыларға ойындағы тактика және стратегия туралы түсіндіру

2. Оқушыларды тактикалық әрекеттер мен оны қолдануға үйрету

 Жетістік критерийлері:

1. Тактика және стратегия термині туралы біледі;

2. Бір немесе бірнеше тактикалық амалдар жасай алады;

3. Ойын үрдісінде тактикалық амалдар қолданады.

 Тілдік мақсаттар:

Оқушылар төмендегідей сөздер мен сөз тіркестері туралы біледі:

• Лақтыру;
• Допты алып жүру;
• Алдату қозғалыстары;
• Иықтан;
• Кеудеден;
• Допты бірге және алмакезек алып жүру

 Құндылықтарды дарыту:

Жалпы ұлттық құндылықтар мен мектеп құндылықтарын дарыту.

 Пән аралық байланыс:

Бұл сабақ ағылшын тілі пәнімен байланыстырылады.

 Акт қолдану:

Ғаламтор ресурстарын қолдану, мобильді тақта арқылы таныстырылым, видеоролик көрсету.

Бастапқы білім:

Оқушылар доптарды лақтыру мен оның орындалу техникасы туралы біледі.

САБАҚ БАРЫСЫ

Сабақтағы іс-әрекеттер:

Жаңа сабақтың тақырыбымен, мақсатымен, жетістік өлшемдерімен таныстыру;

Оқушылардың жүрек соғысын көтеру үшін, жалпы жарақаттардан сақтандыру үшін қыздырыну жаттығуларын жасайды:

-жүру, жүгіру жаттығулары;

-демді қалыпқа келтіру үшін жәй жүріспен жүріп созылу жаттығуларын жасау,

Бір орындағы ЖДЖ кешенін жасау

Мұғалім допты дұрыс жалғау және қабылдау амалдарын және қауіпсіздік ережелерін еске салады.

Таныстырылым көрсету

(Б, Т, К, ф) «Допты көршіге жалғау»

Оқушылар шеңберге тұрады, доптар шеңберде қарама-қарсы бағытта болады. Мұғалімнің белгісі бойынша оқушылар допты бір бағытқа көршісіне жалғай береді солай бір доп екіншісіне жетіп алу керек. Бір мезгілде екі доп та қолында қалған оқушы жеңліс табады. Содан соң доп келесі бағытқа айналу арқылы ойынды қайталаймыз. Ойыннан соң допты белсенді жалғай білген ойыншылардың аттары аталатын болады. Допты жерге түсіріп алған ойыншы допты кері көтеріп жалғастыру керек толық емес шеңберде ойын жалғаспайды. Ойыншы міндетті түрде допты қасында тұрған ойыншыға беру керек.

ҚБ: бағдаршам амалы (сабақ барысында оқушылар үш түсті (қызыл, сары, жасыл) қағаз қиындыдларын жинайды және ол қиындыларда ынталандыру сөз тіркестері жазылған).

Жоғарыдағы тапсырмаларды бағалау дескрипторлары:

1. оқушылар әріптесіне допты тез жалғайды;

2. оқушылар допты тура жалғайды.

(Б, ф) Оқушылар тактикалық әрекеттерге үйренуді жалғастырады.

Тақырыпты игеру видеороликті қараумен жалғастырылады (ағылшын тілінде).

Меңгеру үшін жаттығулар:

- бір орында тұрып допты денені айналдырып жерге ұру; №1 сурет

- бір орында тұрып допты аяқтың ортасынан өткізіп жерге ұру; №2 сурет

- бір орында тұрып допты әртүрлі биіктіктерге көтеріп жерге ұру; №3 сурет

- бір орында тұрып аласа көтерілуден жиі жерге допты ұру, оң және сол қолға ауыстырулар;

- бір орында тұрып екі қолмен қатар екі допты жерге ұру.

ҚБ: бағдаршам

Жоғарыдағы тапсырмаларды бағалау дескрипторлары::

1. допты алып жүрудің дұрыс техникасын көрсетеді;

2. әр түрлі биіктікпен допты алып жүруді көрсетеді.

Сабақтың негізгі бөлімінен кейін мұғалім оқушылардың ие болған қиындыларын жинап алып, сәйкесінше кері байланыс жүргізеді.

Кері байланыс кішкене қиылған қағаздардағы төмендегідей сөйлемдерді аяқтау арқылы жүзеге асырылады:

- мен бүгін ... туралы білдім;

- … қиын болды;

- … туралы түсінік пайда болды;

- мен … үйрендім;

- … жасау қолымнан келді;

- … туралы білу қызықты болды;

- … мені таң қалдырды;

- мен … жасағым келді және т.с.с.

Осы секілді рефлексияны мұғалімге де ауызша жүргізуге болады.

Үй тапсырмалары беріледі;

Мұғалім тарапынан кері байланыс жүргізіледі (сабақ барысында кеткен қателіктер мен артықшылықтар ауызша айтылады)

Келесі сабаққа дайындалу үшін киім ауыстыру бөлмесіне бару.

Саралау:

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

- Ерекше қолдауды қажет ететін оқушылар үшін: допты өзінен айналдыра алып жүру, допты көршіге жалғау ойынында кішкентай шеңбер қолданылады.

Қабілеті жоғары оқушылар үшін: допты екі аяқтың ортасынан өткізіп алып жүру, допты көршіге жалғау ойынында үлкен шеңбер қолданылады.

Бағалау:

Бағалау – оқушылардың материалды меңгеру деңгейін қалай тексеруді жоспарлайсыз?

ҚБ: бағдаршам амалы (сабақ барысында оқушылар үш түсті (қызыл, сары, жасыл) қағаз қиындыдларын жинайды және ол қиындыларда ынталандыру сөз тіркестері жазылған).

Сабақтың негізгі бөлімінен кейін мұғалім оқушылардың ие болған қиындыларын жинап алып, сәйкесінше кері байланыс жүргізеді.

Денсаулық және қауіпсіздік ережелерінің сақталуы:

Әр оқу тоқсанының басында бекітілген қауіпсіздік техникасы ережелерімен таныстыру;

Сабақ барысында жайлы жағдай туғызу арқылы;

Тақырыпқа сай әрекет ету мен киінуді қатаң талап ету міндетті;

Әр оқушының жүрісін, тұрысын жіті назарда ұстау

Сабақ бойынша рефлекия:

1.Сабақ мақсаттары дұрыс қойылған ба?

2.Оқушылар нені үйренді?

2.Оқушылардың барлығы ОМ қол жеткізді ме?

3. Сабақта саралау дұрыс жүргізілді ме?

4. Сабақта уақыт кезеңдері сақталды ма ?

Жалпы оқушыларды бағалау:

Сабақтың жақсы екі аспектісі (оқытуға, үйренуге қатысты.)

1:

2:

Сабақты жақсартуға не ықпал ете алады (оқыту және үйрену)

1:

2:

Сабақ барысында сынып туралы немесе жекелеген оқушылардың жетістіктерін сараптау