Қозғалыс координациясына бағытталған қозғалмалы ойындар. Дене шынықтыру, 3 сынып, презентация. 17 сабақ.

2-бөлім: Қозғалыс және спорт ойындар

Тақырыбы: Қозғалыс координациясына бағытталған қозғалмалы ойындар

3-сынып

Оқу мақсаты:

3.2.2.2. Әрекет мақсаттарына қол жеткізуге бағытталған жұмыс барысында өзіндік және командалық жұмыстың мағынасын түсіну. Көшбасшылық рөлдерімен алмасып, жұмыс істей бастау.

Сабақ мақсаты:

Қозғалмалы ойын кезінде командалық жұмыстың маңызын түсінеді және көшбасшылық дағдылары мен алмасады.

Бағалау критерийлері:

- шағын топта бірлесе жұмыстануға дағдыланады;

- қозғалмалы ойындар арқылы негізгі қозғалыс координациялары қалыптастырады;

- көшбасшылық дағдылары туралы ой толтырады.

«Тақырып көлеміндегі әрекеттер»

Оқушылармен сәлемдесу. Түгелдеу. Спорттық кииімдеріне назар аудару. Қауіпсіздік ережесін таныстыру, қайталау.

Бүгінгі сабақтың мақсатымен таныстыру. Бағалау критерийлерін оушылармен бірге құрастыру. Алдағы жұмыстармен таныстыру.

Жүру жаттығуларын орындау;

Жүгіру жаттығуларының түрлерімен жаттығу;

Жылдамдыққа жүгіру;

Тынысты қалыпқа келтіру

Одан кейін шеңбер бойына тұрып ЖДЖ орындайды. Шеңбер бойындағы әр оқушы бір-бір жаттығудан айтып, санақ бойынша орындатқызады.

Бағалау: Оқушылар тарапынан берілген ақпаратқа мадақтау арқылы қолдау көрсету.

Қозғалыс координациясына бағытталған қозғалмалы ойындар

Мақсаты: ойындар арқылы оқушылардың командалық жұмыстың маңызын түсініп, көшбасшылық дағдылары жетілдіру, оқыту мақсаттарын шешу.

Сипаттама: ойындар арқылы топқа бөлініп жарысады, бірнеше командалар өзара сайысқа түседі.

«Командамен жүгіру» ойыны

Әзірлік. Ойыншылар екі тең командаға бөлініп, 2 колонна болып сап түзейді. Колонналар бір-біріне параллель, аралары 2-4 қадамнан және беттері бір жаққа қарай тұрады. Колонналардың алдынан сөре сызығы сызылады. Арақашықтығы 15-20 м. жерге бағана, немесе басқа нәрсе қойылады. Колоннадағы әрбір ойыншы өзінің алдындағы ойыншыны белінен құшақтап ұстап тұрады.

Ойынды баяндау. Жетекшінің белгісі бойынша ойыншылар колонналарымен бағанаға дейін жүгіреді, оны айналып, қайтадан кері оралып, сызықтан жүгіріп өтеді. Жүгіргенде бөлінбей және бірінші келген команда жеңімпаз команда болып тапады.

Ережесі.

1. Белгі берілгенде жүгіреді.

2. Кімде-кім қолын жіберіп алса, онда алдагы ойьншыны қуып жетіп, қайтадан беліненұүстап жүгіруі керек.

3. Колоннада тұрғандар түгелдей бағананы айналуы керек.

Мұғалім әрекеті:

Ойын кезінде оқушыларды бақылап, кемшіліктерді айтады және оқушыларды өз тарапынан бағалайды.

«Ортаға шық» ойыны

Дайындық. Оқушыларды тең екі топқа бөлінеді. Бірінші топтың ойыншылары екі-екеуден ортаға түсуге дайындалады. Ал, екінші топтың ойыншылары екіге бөлініп, екі жақта қарама-қарсы тұрады да, ортаға түскен қарсылас командаларының ойыншыларын жеңіл резеңке доппен ұрып, ортадан шығарулары тиіс.

Ортадағы ойыншылардың міндеті: Қозғалыс координацияларын жетілдіру мақсатында доптан түрлі әдіспен қашып, тигізбеулері қажет. (Мысалы: бұрылу, еңкею, бұғып қалу, доптан секіріп өткізіп жіберу т.б)

Доп лақтырушылардың міндеті: Допты ортадағы ойыншыларға бағыттап лақтыру, дәл тигізу, допты қос қолмен тез қағып алу, бір қолмен жылдам лақтыру.

Мұғалім әрекеті: Оқушылардың қимыл-қозғалыстарының дағдылануын бағалау, бақылау. Оқушылардың қозғалыс координацияларының жетілуіне мақтау, мадақтау сөздер айтып, қызығушылықтарын ояту мен қатар икемділік, ептілік дағдыларын дамыту.

«Сабақты қорытындылау»

Мақсаты: Қол жеткен нәтижелер туралы ойлану, өзіндік талдау жүргізуге дағдыландыру.

Сипаттама: Өткен тақырып туралы талқылау үшін мұғалім мен оқушының біріккен іс-әрекеті.

Мұғалім әрекеті: Сұрақ-жауап арқылы кері байланыс жүргізеді. Жақсы нәтижеге қол жеткізген оқушы мен капитанды атайды. Жетілдіру жаттығуларын ұсынады.

Оқушының әрекеті: Қиын болған немесе жүзеге асыра алмаған мәселелер бойынша сұрақ қояды. «Команда капитаны» рөліндегі оймен бөліседі. Мұғалім сұрағына жауап береді. Өзінің жетістігі туралы айтады.

Бағалау: Мұғалім оқушыларына «Рефлексиялық нысана» парақшасын таратып береді, оқушылар өзіндік бағалау арқылы парақшаларын толтырады. Оқушылардың бірін-бірі және өзіндік бағалау тәжірибеленеді. Мұғалім әрбір эстафетадан соң команда мүшелерінің жеке жетістіктерін айтып тұрады.

Күтілетін нәтиже:

1. Негізгі қозғалыс техникаларын меңгеру;

2. Қозғалыс үйлесімділігі мен нақтылықты меңгеру;

3. Зерттеушілік дағдылардың пайда болуы;

4. Қозғалыс ойындарына деген қызығушылықты ояту;

5. Талдау, таңдау, достық қарым-қатынас орнату мен бірікен іс-әрекет жасай білу;

6. Психологиялық, физикалық жүктемелерге еркін жауап бере алады

Өткізілген сабаққа рефлексия жасау