№2 зертханалық тәжірибе "Карбон қышқылының алынуы және қасиеттері". Химия, 11 сынып, қосымша материал.

Тақырыбы:

№2 зертханалық тәжірибе "Карбон қышқылының алынуы және қасиеттері"

Оқу мақсаты:

11.4.2.7 карбон қышқылдарының физикалық қасиеттерін және алыну жолдарын түсіндіру;

Сабақтың басында оқушылардан үй тапсырмасын еске түсіру мақсатында тест сұрақтарын алыңыз, ол үшін оқушыларға ақ тақташалар таратып беріңіз, оқушылар тест сұрақтарының дұрыс жауаптарын жазып жоғары көтереді.

Оқушыларды сабақтың тақырыбымен, оқу мақсатымен таныстырыңыз.

Ой қозғау мақсатында «Неліктен карбон қышқылдары қышқылдық қасиетке ие?» деп сұрақ қойыңыз, жұп арасында талқылайды. Бұдан соң бейнеролик арқылы оқушы жауаптарын салыстырыңыз.

Оқушыларды топқа бөліңіз, жұмыс парақтарын таратып беріңіз. Зертханалық жұмысты бастамас бұрын оқушылармен қауіпсіздік техникасының ережелерін мұқият еске түсіріңіз.

Зертханалық жұмыстың мақсатын дұрыс құрастыруын, нәтиже кестесіне өз бақылаулары мен іс -әрекетін жазуларын және берілген реакция нәтижелерін, өз бақылауларын этанолмен салыстырып қорытынды жасауларын айтып өтіңіз.

Зертханалық жұмыс аяқталған соң жұмыс парақтарын жинап алыңыз.

Уақыт қалған жағдайда карбон қышқылдары туралы есепті шығартыңыз.

Үйге тапсырма беріңіз.

Кері байланыс жүргізіңіз.

Тиімді сілтеме:

https://bilimland.kz/ru/subject/ximiya/11-klass/karbonovye-kisloty-ximicheskie-svojstva-poluchenie-i-primenenie?mid=ea4c45b0-9ee4-11e9-a361-1f1ed251dcfe