Спирттердің жіктелуі. Химия, 10 сынып, қосымша материал.

Тақырыбы: Спирттердің жіктелуі

Оқу мақсаты:

10.4.2.25 спирттерді функционалдық топтардың орналасуы және гидроксил тобының саны бойынша жіктеу;

Сабақтың басында оқушыларға ой қозғау мақсатында сұрақтар қойылады. Ертегідегі жұмбақты шеше отырып, оқушылар өз ойларын айтады, сабақтың тақырыбы анықталады, оқу мақсаттары таныстырылады.

Бейнеролик көрсете отырып, жаңа сабақ бойынша түсіндірулер жүргізіңіз.

Спирттердің гидроксил тобының санына байланысты, гидроксил тобымен байланысқан көмірсутек радикалының табиғатына байланысты, гидроксил тобымен байланысқан көміртек атомының табиғатына байланысты жіктелуіне тоқталыңыз.

Жаңа тақырыпты бекітуге арналған сұрақтарды қойып шығыңыз, оқушылар жұпта ақылдасып, жауап береді.

Бұдан кейін әр оқушы жаңа тақырып бойынша қалыптастырушы бағалау жұмысын орындайды (өзін-өзі бағалау жүргізіледі).

Үйге тапсырма беріңіз.

Сабақ соңында кері байланыс жүргізіңіз.