Сулы ерітінділердегі галоген иондарды анықтау. Зертханалық жұмыс №8 Сулы ерітінділердегі галоген иондарды анықтау арқылы галогендердің қасиеттерін ұғыну. Химия, 10 сынып, презентация.

Галогендердің қасиеттері

Оқу мақсаты: Галоген иондарды эксперименттік жолмен анықтауды жоспарлау және жүргізу.

Сабақ мақсаты:

-Галогендердің реакцияға түсу белсенділігін сипаттау,

-Галогендер реакцияларының теңдеулерін жазу;

-Галидтердің химиялық қасиетін сипаттау үшін лабораториялық жұмыс жасау

Бағалау критерийлері:

 зерттеуде қолдану үшін тиісті жабдықты таңдап, сондай-ақ оларды қауіпсіз қолдануды жоспарлай алады.

 зерттеу бойынша реакция, молекулалық, толық, қысқартылған иондық теңдеуді жаза алады;

 зерттеу нәтижелерін қорытындылайды

Үй тапсырмасын сұрау

1.Галогендердің кристалдық торы қандай?

2.Галогендерді тағы қалай атауға болады?Неліктен?

3.Галогендердің сутек және оттек молекуласынан ерекшелігі?

4.Табиғатта галоген бос күйінде кездесе ме? Не үшін?

5.Қай элементтің тотықтырғыштық қасиеті басым? Неге?

6.Ең күшті және ең әлсіз бейметалдық қасиетті қай галогендер көрсетеді?

7.Не себепті галогендер жоғарғы химиялық белсенділікті көрсетеді?

8.Хлорлылау қышқылы қалай түзіледі?

9.Қызыл қоңыр түсті сұйық галоген?

10.Тұз қышқылының тұздары қалай аталады?

Лабораториялық жұмыс. Галидтердің концентрлі күкірт қышқылымен реакциясы

Жабдықтар мен реактивтер:КСL(қ), KBr(қ), KI(қ), H2SO4, лакмус қағазы, пробирка, фильтр қағазы, калий бихромат ерітіндісі, қорғасын нитраты ерітіндісі, газ өткізгіш түтікшесі, химиялық стакан.

Жұмыс барысы:

1. Құрғақ пробиркаға микрошпательмен натрий хлоридін және 10-15 тамшы концентрлі күкірт қышқылын салыңыз. Түссіз газ бөлінгенін бақыла. Дистильденген суға батырылған көк лакмус қағазын пробирка аузына жақындатып, фильтр қағазының түс өзгерісін бақыла. Пробиркаға жиналған газды суы бар кристаллизаторға жібер. Тәжірибені бақылап, реакция теңдеуін жаз, хлор сутек қасиетін тұжырымда, лакмус қағазының түс өзгерісін түсіндір.

2. Тәжірибені қатты калий бромидімен тартпа шкафында қайтала. Екінші таза, құрғақ пробирканы пайдалан және байқалған құбылысты жаз. Пайда болған газды бихромат калий(VI) ерітіндісіне батырылған фильтр қағазымен сына.

3. Тәжірибені қатты калий йодидімен тартпа шкафында орында, үшінші таза, құрғақ пробирканы пайдаланып байқалған құбылысты жаз. Пайда болған газды қорғасын нитратына батырылған фильтр қағазымен анықта.

4. Қорытындыны кестеге толтыр.

Лабораториялық жұмыс. Хлор, бром, йодқа сапалық реакция.

Керекті құрал-жабдықтар: 0.2М KCL, KBr, KI ерітінділері, хлор суы, бром суы, йод суы, магний, цинк, кристалды йод, химилық стақан, пробирка, микрошпатель, фарфор ыдысы, шыны таяқшалары, пипетка

Галоген реакциясы

1.Магний бромиді және цинктің тотығуы

Екі пробиркаға 3-5 тамшы бром суын және бірінші пробиркаға аз мөлшерде магний ұнтағын, екінші пробиркаға цинк ұнтағын салынады. Шыны таяқшамен мұқият араластырыңыз. Ерітінді түсін анықта.

2.Алюминий йодының тотығуы

Тигель ыдысына бір микрошпательмен йод және алюминий ұнтағын салыңыз. Мұқият шыны таяқшамен араластырыңыз. Қоспаға 1-2 тамшы дистелденген су қосыңыз. Пайда болған йод тамшыларын бақыла.

Демонстрация: Йод сублимациясы

Бірнеше йод кристаллдарын (0,3г) және (0,1 г) калий йодидін шағын химиялық стақанға құйып, шыны таяқшамен араластырыңыз. Стаканды салқын су құйылған дөңгелек табанды колбамен немесе сағат тәріздес шынымен жауып, асбест сеткасы арқылы спирт шамы жалынында қыздырыңыз. Қорытындысын жазыңыз және пайда болған құбылысқа анықтама беріңіз. Йод құрамындағы хлор және бромның мүмкін болатын қоспаларын ажырату үшін калий йодиді қосылады. Йод зиянды. Қорғаныш көзілдіргін тағып, тәжірибені тартпа шкафында жүргізіңіз.

Рефлексия: