Тәуелсіздік күні. Бостандық таңы атты. Ш. Құдайбердиев. Әдебиеттік оқу, 3 сынып, сабақ жоспары.

Пән: Әдебиеттік оқу

Бөлім: Демалыс мәдениеті. Мерекелер

Күні:

Сынып: 3

Мектеп: Астана қаласы, №54 мектеп-лицей

Мұғалімнің аты-жөні: Оразбекова Г. А.

Қатысқандар саны:

Қатыспағандар саны:

Сабақ тақырыбы

Тәуелсіздік күні. Бостандық таңы атты. Ш. Құдайбердиев

Оқу мақсаттары

3.1.4.1 сөйлеу барысында мақал-мәтелдерді/ нақыл сөздерді, вербалды емес тілдік құралдарды қолдану;

3.2.2.1 шығарма мазмұны бойынша қолдануға (практикалық), бағалауға және шығармашылыққа негізделген сұрақтар қою және жауап беру ;

3.3.2.1 ертегілер (үлгі бойынша, кейіпкер қосу, соңын өзгерту ... тәсілдер арқылы)/ өлең шумақтары/ әңгіме (оқығаны, көргені бойынша)/ кейіпкерге хат жазу.

Сабақ мақсаттары

Барлық оқушылар: өлеңді түсініп оқиды, өлеңнің мазмұны бойынша сұрақтарға жауап береді;

Көптеген оқушылар: өлеңді мәнерлеп оқи алады, сөйлеу барысында мақал-мәтелдерді қолданады;

Кейбір оқушылар:өлең мазмұны бойынша шығармашылық сұрақтар қояды, жауап береді.

Бағалау критерийлері

Тірек сөздер

Оқушылар:

Өлеңді түсініп оқиды. Оқығаны бойынша өз сөзімен мазмұндайды.

Пәнге қатысты лексика мен терминология:

Бостандық таңы, өнерлі ел, арамдықты жойыңдар.

Диалог құруға /жазылымға қажетті сөздер топтамасы:

Бұл қандай күн? Ой бөліс.

Құндылықтарды дарыту

«Құрмет», «Ынтымақтастық»,«Еңбек пен шығармашылық» сияқты құндылықтарын бойына сіңіруіне, өз елінің патриоты болуына, білімді, білікті, рухани терең азамат болып қалыптасуына ықпал ету.

Пәнаралық байланыстар

Өз ойын білдіруде сөздерді дұрыс қолданып, сөйлемдегі сөздерді дұрыс байланыстыру арқылы қазақ тілі пәнімен байланыс жасалады. Тәуелсіздік нышандарына арналған ескерткіш еске түсіру арқылы бейнелеу өнерімен басйланыс жаслады.

АКТ қолдану дағдылары

Интербелсенді тақта

https://www.youtube.com/watch?v=cvV98Od4g8

Алдыңғы білімді игерулері

Өлеңді түсініп оқи алады, өлең мазмұны бойынша сұрақтарға жауап береді.

Сабақ барысы

Сабақтағы жоспарланған іс-әрекет

Ширату тапсырмасы

Күн жарығын алақанға саламын

Жүрегіме басып ұстай қаламын

Ізгі әрі нәзік, жарық мейірімді

Болып кетер сонда дереу жан-жағым –деп шеңберде сәттілік тілеп, «1,2,3,4» санақ жүргізу арқылы топқа бірігеді.

1-топ - «Еркін»

2-топ - «Тәуелсіз»

3-топ - «Азат»

4-топ - «Егеменді»

Сабақтың тақырыбы мен оқу мақсатымен таныстыру. Бағалау критерийін оқушылармен бірлесе құрастыру немесе таныстыру,

1-тапсырма

(Ж,Ұ) «Қазақ хандығы» бейнежазбасын тамашалау.

Бейнежазба бойынша жетелеуші сұрақтар қою.

1. Бейнежазбадан не көрдіңдер

2. Қандай ой түйіндейсіңдер?

Ендеше осындай тәуелсіздікті армандаған, аңсаған аудармашы, тарихшы әрі философ Шәкәрім Құдайбердіұлының өлеңімен танысамыз.

(Ж,Т) Ш.Құдайбердиевтің «Бостандық таңы атты» өлеңін «Ортадағы қалам» стратегиясына сүйеніп шынжырлап оқиды.

«Түртіп алу» әдісі арқылы өлеңді оқу барысында түсінбеген сөздерінің астын белгілеп, шешімін бірлесе отырып табады.

Үлгі:

Бостандық- еркіндік, азаттық

Ақиқат – шындық

Араз болу - келісе алмау

Саралау: тапсырма барлық оқушыға ұсынылады,бірақ әртүрлі нәтиже күтіледі.

(Б) «Бір- бірін бағалау»

Топтар бір -бірінің жұмысын бағалау арқылы әр топ жұмысынла нені жақсарту керектігін анықтайды.

2-тапсырма

(Т) «Даналық ағашы» әдісі

Оқушылар ішінен бір жүргізуші сайланады. Жүргізушінің қолында қорап немесе сандықша болуы керек. Оқушылар тақырып бойынша ашық сұрақтар құрастырып, жүргізушіге береді. Сұрақтар құрастырылып біткен соң, оқушылар сандықшадан кез келген сұрақты алып, дауыстап оқиды, толық жауап беруге тырысады. Қойылған сұрақ пен берілген жауап бағаланады.

Үлгі:

-Нелерден аулақ болу керек?

-Өлеңде адам бойындағы қандай жағымсыз қылықтар айтылады?

- Ол өлеңнің қай шумақтарында жазылған?

- Өлеңдегі жақсы және жаман қылықтарды ажыратып айта аласың ба?

- Өлеңге басқаша қандай ат қоюға болады?

-Ақын тәуелсіз елдің балалары қандай болуы керек дейді?

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтижелер күтіледі.

(Б) «Қол шапалақтау»

Тапсырманы өте жақсы деңгейде орындаған оқушыны қол шапалақтау арқылы бағалау.

3-тапсырма

(Т, ЖЖ) «Ой қозғау” әдiсi.

Топтарға:

1. Шоқан Уалиханов кім?

2. Ш. Уалихановтың ақыл сөзінің өлеңге қандай қатысы бар?

3. Жақсы мен жаман қасиеттер туралы тағы кімнің өлеңімен таныстық?

Саралау: Баланың тәжiрибесiне сүйене отырып, жеке, топтық және ұжымдық талқылау арқылы берiлген тақырып мазмұнымен өз бетiнше жұмыс жасауына бағыттап, қызығушылықты ояту.

(Б) «Мадақтама» әдісі Оқушылардың берілген тапсырма бойынша орындаған іс-әрекетін «Тамаша!» «Жарайсың!» «Керемет!» сөздерімен мадақтау.

4-тапсырма

(Ө,Т) Талдау «Дөңгелек үстел» әдісі

Тәуелсіз ел балаларына хат жаз.

Сөйлем саны топ мүшелерінің санына қарай шектеулі, мысалы, топта 5 оқушы болса хат тек 5 сөйлемнен құралуы керек.

Топ мүшелерінің біріншісі хаттың алғашқы сөйлемін жазып, жанындағы оқушыға береді, ол оқушы хаттың екінші сөйлемін жазып келесі оқушыға береді, ол оқушы да үшінші сөйлемін жазып келесіне береді. Осылайша топ мүшелері бірінің жазғанын бірі толықтырып ортақ 1 хат жазып шығады

Саралау: тапсырма бойынша саралау жүргізіледі, күтілетін нәтиже әртүрлі болады.

(ҚБ) Дескриптор бойынша бағалау.

• өлең мазмұнын түсінеді;
• сұрақтар құрастырады және оған жауап береді;
• өз ойын жеткізуде мақал – мәтелдерді қолданады;
• сөздер мен сөйлемдерді қатесіз жазады.

Кері байланыс «Бір ауыз сөз»

Оқушылар стикерлерге сабақ туралы бір ғана сөз жазып, оны тақтаға жапсырады. Өз ойларын түсіндіріп береді. Стикерлерге сабақты бағалайтын келесі сөздерді жазуға болады (оларды тақтаға алдын-ала тақтаға жазып қойған дұрыс): ұнады, пайдалы, қажет, білдім, үйрендім, қызықтым, ұмтылдым, есте сақтадым т.б

Саралау

1-тапсырмада

Ынтымақта бірлікте жұмыс жасап, білгенін жолдастарымен бөлісіп, тақырыпты ортаға салып талқылайды

2-тапсырмада

Топта балалар бірге жұмыс жасайды және өз идеяларын айтуға үйренеді

3-тапсырмада

Көмек қажет ететін оқушыларға түсіндіру жұмысымен бірге қосымша уақыт беріледі. Қабілеті жоғары оқушылар кестені өз бетінше жалғастырады

4-тапсырмада

Топтық тапсырмалар арқылы оқушылардың ынтасы артады. Оқушылар бір-бірін тыңдайды және толықтырады

Бағалау

«Бір-бірін бағалау» әдісі

«Қол шапалақтау» әдісі

«Жапондық бағалау» әдісі

«Мадақтама» әдісі

Дескриптор

• өлең мазмұнын түсінеді;
• өлеңді қатесіз, мәнерлеп оқиды;
• мақал-мәтелдерді орынды қолданады;
• өлең бойынша сұрақтар құрастырады және оған жауап береді;
• өлең кейіпкеріне хат жазады.

Сабақ бойынша рефлексия

Сабақ мақсатына жеттім бе?

Оқушылар не үйренді?

Ынтымақтастық атмосферасы орнады ма?

Оқушылар арасындағы дифференциациялау бойынша іс-әрекеттер ұтымды болды ма?

Жоспарланған уақытты ұстандым ба?

Жоспардан қандай шегіністер жасадым және неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?